|
ໃນ 5 ປີຕໍ່ໜ້າ,ຈີນຈະອອກແຮງຊຸກຍູ້ການພັດທະນາວຽກງານດາວທຽມຖ່າຍທອດສົດແລະໂທລະພາບດີຈີຕອນລະບົບໜ້າດິນຢູ່ພາກກາງແລະພາກຕາເວັນຕົກ
cri
ຕາມຂ່າວສານຊິນຮວາ:ໃນກອງປະຊຸມທີ່ກ່ຽວຂ້ອງທີ່ຈັດຂຶ້ນຢູ່ນະຄອນເສີງຕູຂອງຈີນໃນວັນທີ 29 ພະຈິກນີ້,ທ່ານຮວາງຢົງ ຮອງຫົວໜ້າບັນນາທິການຂອງກົມວິທະຍຸ ຮູບເງົາ ໂທລະພາບແຫ່ງຊາດຈີນກ່າວວ່າ,ໃນ 5 ປີຕໍ່ໜ້າ,ຈີນຈະຖືການສ້າງລາຍການໂທລະພາບ ລະຄອນຮູບເງົາໂທລະພາບ ກາຕູນແລະເນື້ອໃນອື່ນໆເປັນຫລັກ,ປັບປຸງຊັບພະຍາກອນທີ່ກ່ຽວຂ້ອງ,ອອກແຮງຊຸກຍູ້ສື່ມວນຊົນຫລັກເຊັ່ນສະຖານີວິທະຍຸ ໂທລະພາບຂັ້ນຕົວເມືອງຂຶ້ນໄປພັດທະນາອິນເຕີເນັດ ວິທະຍຸ ໂທລະພາບ,ຊຸກຍູ້ໃຫ້ໂທລະພາບດີຈີຕອນມີສາຍ ໂທລະພາບດີຈີຕອນລະບົບໜ້າດິນ ວຽກງານດາວທຽມຖ່າຍທອດສົດພັດທະນາຢ່າງກົມກຽວຢູ່ເມືອງນ້ອຍແລະຊົນນະບົດພາກຕາເວັນອອກ ພາກກາງ ພາກຕາເວັນຕົກ.
ມ
າຮອດທ້າຍປີກາຍນີ້,ຈີນມີຜູ້ຊົມໃຊ້ໂທລະພາບມີສາຍ 128 ລ້ານຄອບຄົວ,ປະຈຸບັນ,ອັດຕາວິທະຍຸໂທລະພາບປົກຄຸມປະຊາກອນໂດຍສັງລວມຂອງຈີນແມ່ນລື່ນກາຍ 94%ແລະ 95%.
|
|
