|
|
 |
| (GMT+08:00)
2006-11-30 21:08:46
|
 |
|
ທ່ານເວິ່ນເຈ່ຍປາວຈະເຂົ້າຮ່ວມກອງປະຊຸມຕ່າງໆເຊັ່ນກອງປະຊຸມຜູ່ນຳອາຊຽນກັບຈີນຍີ່ປຸ່ນສ.ເກົາຫຼີແລະຢ້ຽມຢາມຟີລິບປິນ
cri
ຕາມຂ່າວCRI,ໂດຍຕອບສະໜອງຕາມຄຳເຊີນຂອງທ່ານນາງອາໂລໂຢ ປະທານາທິບໍດີຟີລິບປິນ,ແຕ່ວັນທີ11ຫາວັນທີ14ທັນວາ,ທ່ານເວິ່ນເຈ່ຍປາວ ນາຍົກລັດຖະມົນຕີຈີນຈະເຂົ້າຮ່ວມກອງປະຊຸມຕ່າງໆເຊັ່ນກອງປະຊຸມຜູ່ນຳອາຊຽນກັບ ຈີນ ຍີ່ປຸ່ນ ສ.ເກົາຫຼີຄັ້ງທີ10 ທີ່ຈະຈັດຂຶ້ນຢູ່ເມືອງເຊບູຂອງຟີລິບປິນແລະຈະຢ້ຽມຢາມຟິລິບປິນຢ່າງເປັນທາງການ.
ນາງຈ່ຽງຢູ ໂຄສົກກະຊວງການຕ່າງປະເທດຈີນໄດ້ປະກາດຂ່າວດັ່ງກ່າວໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງໃນວັນທີ30ພະຈິກນີ້.ນາງຈ່ຽງຢູກ່າວວ່າ,ທ່ານເວິ່ນເຈ່ຍປາວຍັງຈະເຂົ້າຮ່ວມກອງປະຊຸມຜູ່ນຳຈີນອາຊຽນຄັ້ງທີ10ແລະກອງປະຊຸມສຸດຍອດອາຊີຕາເວັນອອກຄັ້ງທີ2 ແລະເປັນປະທານຂອງກອງປະຊຸມຜູ່ນຳຈີນ,ຍີ່ປຸ່ນ ສ.ເກົາຫຼີຄັ້ງທີ7.
ນາງຈ່ຽງຢູແນະນຳວ່າ,ໃນກອງປະຊຸມຜູ່ນຳຈີນອາຊຽນຄັ້ງນີ້,ຈີນກັບອາຊຽນຈະຕັ້ງໜ້າຫາລືການຮ່ວມມືທີ່ຕິດແທດຕົວຈິງໃນປີໜ້າ,ແລະສະເໜີຂໍ້ລິເລີ່ມອັນລະອຽດຕ່າງໆເພື່ອປັບປຸງແລະຍົກລະດັບການພົວພັນຄູ່ຮ່ວມມືຍຸດທະສາດລະຫວ່າງສອງຝ່າຍໃຫ້ສູງຂຶ້ນຕື່ມອີກ.
|
|
|
