|
|
 |
| (GMT+08:00)
2006-12-01 18:40:11
|
 |
|
ຜູ່ນຳຈີນສົ່ງໂທລະເລກອວຍພອນວັນຊາດລາວ
cri
ຕາມຂ່າວCRI,ວັນທີ2ທັນວາແມ່ນວັນຊາດຂອງສາທາລະນະລັດປະຊາທິປະໄຕປະຊາຊົນລາວ.ວັນທີ1ທັນວານີ້,ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນ, ທ່ານອູປາງໂກວ ປະທານສະພາປະຊາຊົນແຫ່ງຊາດຈີນ ທ່ານເວິ່ນເຈ່ຍປາວ ນາຍົກລັດຖະມົນຕີຈີນ ຕ່າງກໍ່ໄດ້ສົ່ງໂທລະເລກມາຍັງທ່ານຈູມມະລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດ ປະທານປະເທດລາວ ທ່ານທອງສິງ ທຳມະວົງ ປະທານສະພາແຫ່ງຊາດລາວ ທ່ານບົວສອນ ບຸບຜາວັນ ນາຍົກລັດຖະມົນຕີລາວ ເພື່ອອວຍພອນສາທາລະນະລັດປະຊາທິປະໄຕປະຊາຊົນລາວສະຖາປະນາຄົບຮອບ31ປີ.
ໂທລະເລກອວຍພອນຂຽນວ່າ,ໃນ31ປີຜ່ານມາ,ໃຕ້ການນຳພາຂອງພັກປະຊາຊົນປະຕິວັດ,ປະຊາຊົນລາວໄດ້ຮັບຜົນສຳເລັດໃໝ່ຢ່າງບໍ່ຢຸດຢັ້ງໃນພາລະກິດສ້າງສາປະເທດ, ການປ່ຽນແປງໃໝ່ແລະໄຂປະຕູສູ່ພາຍນອກ,ການເມືອງແລະສັງຄົມຂອງລາວມີຄວາມໝັ້ນຄົງ,ເສດຖະກິດມີການພັດທະນາ,ການຕ່າງປະເທດດຳເນີນໄປຢ່າງຫ້າວຫັນ,ຊີວິດການເປັນຢູ່ຂອງປະຊາຊົນໄດ້ຮັບການປັບປຸງໃຫ້ດີຂຶ້ນເລື້ອຍໆ.ພັກ ລັດແລະປະຊາຊົນຈີນຮູ້ສຶກປິຕິຊົມຊື່ນຢ່າງຈິງໃຈຕໍ່ເລື່ອງນີ້.
ໂທລະເລກອວຍພອນຂຽນວ່າ,ພັກແລະລັດຖະບານຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນຈີນລາວ,ຍິນດີຊຸກຍູ້ມິດຕະພາບຖານບ້ານໃກ້ເຮືອນຄຽງ ແລະການຮ່ວມມືຮອບດ້ານລະຫວ່າງຈີນລາວ,ສ້າງຄວາມສຸກໃຫ້ແກ່ປະຊາຊົນສອງຊາດຢ່າງບໍ່ຢຸດຢັ້ງ.
ສ່ວນໃນວັນທີ1ທັນວານີ້,ທ່ານລີຈ້າວຊິງ ລັດຖະມົນຕີວ່າການກະຊວງການຕ່າງປະເທດຈີນກໍ່ໄດ້ສົ່ງໂທລະເລກມາຍັງທ່ານທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດລາວເພື່ອອວຍພອນວັນຊາດລາວເຊັ່ນດຽວກັນ.
|
|
|
