|
|
 |
| (GMT+08:00)
2006-12-04 18:18:06
|
 |
|
ອົງການບໍ່ແມ່ນລັດຖະບານຈະເສີມຂະຫຍາຍບົດບາດຫຼາຍກວ່າເກົ່າໃນວຽກງານຫຼຸດຜ່ອນຄວາມທຸກຍາກຂອງຈີນ
cri
Author: da
ຕາມຂ່າວສານຊິນຮວາ:ຫວ່າງມໍ່ໆນີ້ ທະນາຄານພັດທະນາອາຊີແລະຄູ່ຮ່ວມມືປະກາດວ່າ,ໂດຍແນໃສ່ໂຄງການຫຼຸດຜ່ອນຄວາມທຸກຍາກຂອງຈີນເລີ່ມເຮັດວຽກງານປະມູນທີ່ມີລັກສະນະແຂ່ງຂັນຂອງອົງການຈັດຕັ້ງບໍ່ແມ່ນລັດຖະບານຮອບທີສອງ,ໝາຍຈະຊຸກຍູ້ໃຫ້ອົງການຈັດຕັ້ງບໍ່ແມ່ນລັດຖະບານເສີມຂະຫຍາຍບົດບາດຫຼາຍກວ່າເກົ່າໃນວຽກງານຫຼຸດຜ່ອນຄວາມທຸກຍາກຂອງຈີນ.
ສຳນັກງານຕົວແທນຂອງທະນາຄານພັດທະນາອາຊີປະຈຳຈີນບອກໃຫ້ຮູ້ວ່າ,ໃນ 9 ເດືອນກ່ອນ ທະນາຄານພັດທະນາອາຊີໄດ້ເລືອກເອົາ 6 ສະຫະພັນອົງການຈັດຕັ້ງບໍ່ແມ່ນລັດຖະບານ,ພ້ອມກັບອົງການປົກຄອງທ້ອງຖິ່ນ ຊາວບ້ານທີ່ທຸກຍາກ ແລະຝ່າຍອື່ນໆທີ່ກ່ຽວຂ້ອງກັບຜົນປະໂຫຍດເຂົ້າຮ່ວມວຽກງານຫຼຸດຜ່ອນຄວາມທຸກຍາກຂອງແຂວງຈ່ຽງສີ່ຈີນ.
ຜູ່ຮັບຜິດຊອບທີ່ກ່ຽວຂ້ອງຂອງສຳນັກງານຕົວແທນຂອງທະນາຄານພັດທະນາອາຊີປະຈຳຈີນກ່າວວ່າ,ໂຄງການທົດລອງດັ່ງກ່າວແມ່ນໂຄງການໜຶ່ງທີ່ຈີນຊຸກຍູ້ປະຕິບັດໂດຍຜ່ານການລົງທຶນຢ່າງກ້ອນໃຫຍ່ຂອງອົງການຈັດຕັ້ງບໍ່ແມ່ນລັດຖະບານເທື່ອທຳອິດ. ຍ້ອນສາເຫດນີ້,ໂຄງການດັ່ງກ່າວອາດຈະປ່ຽນແປງຮູບການຂອງລັດຖະບານຈີນໃນການຊຸກຍູ້ວຽກງານຫຼຸດຜ່ອນຄວາມທຸກຍາກໃນດ້ານກົກຮາກ.
|
|
|
