|
|
 |
| (GMT+08:00)
2006-12-05 11:06:44
|
 |
|
ຂ່າວກິລາເອຊຽນເກມໃນວັນທີ 5 ທັນວາ
cri
ຕາມຂ່າວcri: ວັນທີ 4 ທັນວານີ້,ການແຂ່ງຂັນກິລາເອຊຽນເກມທີ່ໂດຮາສືບຕໍ່ຈັດຂຶ້ນ,ພາຍຫລັງການແຂ່ງຂັນໃນມື້ນັ້ນສິ້ນສຸດລົງແລ້ວ,ຄະນະນັກກິລາຈີນໄດ້ຫລຽນຄຳ 38 ຫລຽນ,ຫລຽນເງິນ 20 ຫລຽນແລະຫລຽນທອງ 11 ຫລຽນ,ສືບຕໍ່ເປັນຜູ້ນຳໜ້າໃນຕາຕະລາງຫລຽນ.
ການແຂ່ງຂັນໃນມື້ນັ້ນມີຫລຽນຄຳ 28 ຫລຽນ,ນັກກິລາຈີນຊິງໄດ້ 9 ຫລຽນ:ຄືຫລີວກ່າງຊິງໄດ້ຫລຽນຄຳໃນການແຂ່ງຂັນນອນໝູບຍິງປືນເຫັຼກຍາວໄລຍະໄກ 50 ແມັດເພດຊາຍ,ສູຫວນໄດ້ຫລຽນຄຳໃນການແຂ່ງຂັນຍິງເປົ້າເຄື່ອນທີ່ໄກ 10 ແມັດເພດຍິງ,ຈ້າວຈິງແລະກາວຊ້າງໄດ້ຫລຽນຄຳແລະຫລຽນເງິນຂອງລາຍການລອຍນ້ຳແບບຫງາຍ 50 ແມັດເພດຍິງ,ຢາງເຈຊ້ຽວແລະຈູເວີນຢຸ້ຍໄດ້ຫລຽນຄຳແລະຫລຽນເງິນໃນລາຍການລອຍນ້ຳແບບເສລີຫລືຟຣີສະຕາຍ 400 ແມັດເພດຍິງ,ຢາງເວີຍແລະເຫີນິງຕ່າງກໍ່ໄດ້ຫລຽນຄຳເກັ່ງຮອບດ້ານໃນລາຍການກາຍຍະກຳເພດຊາຍແລະເພດຍິງ,ຫລີວຫົງເຊ່ຍໄດ້ຫລຽນຄຳໃນການຍົກນ້ຳໜັກລຸ້ນ 69 ກິໂລເພດຍິງ,ລີຫົງລີ້ໄດ້ຫລຽນຄຳໃນການຍົກນ້ຳໜັກລຸ້ນ 77 ກິໂລເພດຊາຍ,ສູອຽນໄດ້ຫລຽນຄຳໃນກິລາຢູໂດລຸ້ນ 57 ກິໂລເພດຍິງ.
ນອກນີ້,ໃນການແຂ່ງຂັນລອຍນ້ຳໃນມື້ນັ້ນ,ທີມຍີ່ປຸ່ນໄດ້ຫລຽນຄຳ 4 ຫລຽນ,ໃນການແຂ່ງຂັນຍົກນ້ຳໜັກລຸ້ນ 63 ກິໂລເພດຍິງ,ປະວິນາ ທອງສຸກ ນັກກິລາໄທໄດ້ທຳລາຍສະຖິຕິໂລກໃນກິລາຍົກນ້ຳໜັກ,ແລ້ວໄດ້ຫລຽນຄຳ,ນັກກິລາກາຕາເປັນທີສາມໃນການແຂ່ງຂັນຍິງເປົ້າເຄື່ອນທີ່ໄກ 10 ແມັດເພດຍິງ,ນີ້ແມ່ນເຈົ້າພາບໄດ້ຫລຽນທຳອິດໃນງານກິລາເອຊຽນເກມຄັ້ງນີ້.
ການແຂ່ງຂັນໃນວັນທີ 5 ທັນວານີ້ຈະມີຫລຽນຄຳ 36 ຫລຽນ,ແມ່ນມື້ໜຶ່ງທີ່ມີຫລຽນຄຳຫລາຍກວ່າໝູ່.
|
|
|
