|
|
(GMT+08:00)
2006-12-05 16:20:47
|
|
ຈີນຍິນດີພ້ອມກັນກັບສ.ເກົາຫຼີພະຍາຍາມແກ້ໄຂບັນຫານິວເຄຼຍແຫຼມເກົາຫຼີ
cri
ຕາມຂ່າວCRI,ວັນທີ4ທັນວານີ້ຢູ່ປັກກິ່ງ,ທ່ານຖາງເຈ່ຍຊວນ ທີ່ປຶກສາແຫ່ງລັດຈີນກ່າວວ່າ,ຈີນຍິນດີພ້ອມກັນກັບສ.ເກົາຫຼີທຳຄວາມພະຍາຍາມ,ສືບຕໍ່ເຈລະຈາແລະປຶກສາຫາລືກັນເພື່ອແກ້ໄຂບັນຫານິວເຄຼຍແຫຼມເກົາຫຼີ,ຮັກສາສັນຕິພາບແລະສະຖຽນລະພາບຂອງພາກພື້ນອາຊີຕາເວັນອອກສຽງເໜືອ.
ທ່ານຖາງເຈ່ຍຊວນແມ່ນໃຫ້ທັດສະນະດັ່ງກ່າວໃນເວລາພົບປະທ່ານຈູງດົງຢົງ ອະດີດປະທານພັກເຢລິນອຸລິຕັງຂອງສ.ເກົາຫຼີທີ່ມາຢ້ຽມຢາມ.ທ່ານຖາງເຈ່ຍຊວນເວົ້າວ່າ,ຝ່າຍຈີນເອົາໃຈໃສ່ໃນລະດັບສູງນຳການພົວພັນຈີນສ.ເກົາຫຼີ,ຍິນດີພ້ອມກັນກັບສ.ເກົາຫຼີພະຍາຍາມຊຸກຍູ້ການພົວພັນຄູ່ຮ່ວມມືຮອບດ້ານລະຫວ່າງຈີນກັບສ.ເກົາຫຼີໃຫ້ຂະຫຍາຍຕົວຕື່ມອີກ.
ທ່ານຈູງດົງຢົງເວົ້າວ່າ,ຝ່າຍສ.ເກົາຫຼີຂອບໃຈນຳຝ່າຍຈີນທີ່ໄດ້ທຳຄວາມພະຍາຍາມເພື່ອຊຸກຍູ້ແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິ,ຈະຍຶດໝັ້ນຫຼັກການປອດນິວເຄຼຍຢູ່ແຫຼມເກົາຫຼີ,ພ້ອມກັນກັບຝ່າຍຕ່າງໆທີ່ກ່ຽວຂ້ອງທຳຄວາມພະຍາຍາມເພື່ອຊຸກຍູ້ບັນຫາດັ່ງກ່າວໄດ້ຮັບການແກ້ໄຂໂດຍໄວ.
|
|
|