|
ໜັງສືພິມເຢິນມິນຢື້ປ້າວລາຍງານວ່າ, "ງານວາງສະແດງໂທລະຄົມໂລກປີ2006"ໄດ້ຈັດຂຶ້ນຢູ່ຮົງກົງໃນວັນທີ 3 ທັນວານີ້,ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ເຂົ້າຮ່ວມພິທີໄຂກອງປະຊຸມແລະກ່າວປາຖະກະຖາ,ອັນໄດ້ກາຍເປັນຈຸດສົນໃຈຂອງຫາງສຽງຮົງກົງໃນວັນທີ 4 ທັນວານີ້.
ບົດນຳຂອງໜັງສືພິມເວີນຮຸ້ຍປ້າວຂຽນວ່າ,ການປາຖະກະຖາຂອງທ່ານອູປາງໂກໄດ້ຢືນຢັນແລະໂຄສະນາໝາກຜົນອັນໃຫຍ່ຫຼວງຂອງຮົງກົງທີ່ໄດ້ຮັບນັບແຕ່ກັບຄືນສູ່ປະເທດຊາດ 9 ປີມານີ້ໃຫ້ທົ່ວໂລກໄດ້ຮັບຊາບ,ແລະໄດ້ສະແດງໃຫ້ເຫັນວ່າ ສູນກາງເອົາໃຈໃສ່ແລະສະໜັບສະໜູນຢ່າງແຂງແຮງຕໍ່ຮົງກົງ ແລະມີຄວາມຕັດສິນໃຈທີ່ຈະປົກປັກຮັກສາຄວາມຈະເລີນຮຸ່ງເຮືອງແລະສະຖຽນລະພາບອັນຍາວນານຂອງຮົງກົງ,ນີ້ຈະຊ່ວຍໃຫ້ປະຊາຄົມໂລກເພີ່ມທະວີຄວາມໝັ້ນໃຈຕື່ມອີກຕໍ່ການພັດທະນາຂອງຮົງກົງໃນອະນາຄົດ.
ມື້ດຽວກັນ ໜັງສືພິມຕ້າກົ່ງປ້າວ ໜັງສືພິມມິງປ້າວ ໜັງສືພິມຊິ່ງເຕົາຢື້ປ້າວ ແລະໜັງສືພິມຕົ່ງຟ່າງຢື້ປ້າວກໍພາກັນພິມບົດນຳຊີ້ອອກວ່າ,ງານວາງສະແດງໂທລະຄົມໂລກ ຈັດຂຶ້ນຢູ່ຮົງກົງນັ້ນ ຕົ້ນຕໍແມ່ນຍ້ອນປັດໄຈໃຫຍ່ສາມຢ່າງເຊັ່ນ: ການສະໜັບສະໜູນສຸດຂີດຈາກລັດຖະບານຈີນ ໂອກາດການຄ້າອັນໃຫຍ່ຫຼວງໃນຕະຫຼາດໂທລະຄົມຈີນ ແລະຮົງກົງເປັນຂົວຕໍ່ເພື່ອເຂົ້າເຂດໃນຈີນ.
|
