|
ການພັດທະນາຂອງກະສິກຳແລະຊົນນະບົດຈີນໄດ້ສ້າງໂອກາດໃໝ່ໃຫ້ແກ່ອຸດສາຫະກຳລົດຍົນ
cri
ຕາມຂ່າວສານຊິນຮວາ: ວັນທີ 9 ທັນວາ,ຢູ່ເມືອງລີວໂຈວ ພາກຕາເວັນຕົກສຽງໃຕ້ຂອງຈີນ,ທ່ານຈຽງເລີຍ ຮອງປະທານສະມາຄົມອຸດສາຫະກຳລົດຍົນຈີນກ່າວວ່າ,ການພັດທະນາຂອງກະສິກຳແລະຊົນນະບົດຈີນໄດ້ສ້າງໂອກາດໃໝ່ໃຫ້ແກ່ອຸດສາຫະກຳລົດຍົນຈີນ.ຄຽງຄູ່ກັບການປະຕິບັດນະໂຍບາຍຕ່າງໆດ້ານກະສິກຳ,ໃນ 5 ປີຕໍ່ໜ້າຈົນກວ່າດົນກວ່ານີ້ຈະເປັນໄລຍະພັດທະນາທີ່ດີກວ່າໝູ່ສຳລັບຕະຫລາດລົດຍົນຢູ່ຊົນນະບົດຈີນ.
ທ່ານຈຽງເລີຍເວົ້າວ່າ,ໃນໄລຍະໜຶ່ງຂ້າງໜ້ານີ້,ຈີນລົງທຶນເຂົ້າໃນການສ້າງສາຊົນນະບົດໃນແຕ່ລະປີຈະບັນລຸຫລາຍຮ້ອຍຕື້ຢວນ,ທາງຫລວງຢູ່ຊົນນະບົດຈະໄດ້ຮັການປັບປຸງໃຫ້ດີຂຶ້ນຕື່ມອີກ;ລາຍໄດ້ແລະລະດັບບໍລິໂພກຂອງຊາວກະສິກອນກໍ່ຈະສູງຂຶ້ນຄູ່ປີ,ຄວາມຕ້ອງການຕໍ່ພາຫະນະຂົນສົ່ງຈະຫລາຍຂຶ້ນກວ່າເກົ່າ.
ໃນຫລາຍປີມານີ້,ອຸດສາຫະກຳລົດຍົນຈີນໄດ້ເຕີບໂຕຂຶ້ນຢ່າງຕໍ່ເນື່ອງ,ໄດ້ຄ່ອຍໆກາຍເປັນອຸດສາຫະກຳເສົາຄ້ຳຂອງເສດຖະກິດແຫ່ງຊາດ.ອີງຕາມການຄາດຄະເນຂອງພາກສ່ວນທີ່ກ່ຽວຂ້ອງ,ຮອດປີ 2010,ປະລິມານຜະລິດລົດຍົນຂອງຈີນຈະບັນລຸ 10 ລ້ານຄັນຕໍ່ປີ,ເປັນທີໜຶ່ງຫາທີສາມຂອງໂລກ.
|
|
