|
2007ຈີນຈະລົງເລິກປະຕິຮູບລາຄາຊັບພະຍາກອນແລະຄ່າອະນຸລັກສິ່ງແວດລ້ອມຕື່ມອີກ
cri
ຕາມຂ່າວສານຊິນຮວາ,ວັນທີ10ທັນວານີ້,ຢູ່ທີ່ປັກກິ່ງ,ທ່ານປີ້ຈິງສວນ ຮອງປະທານຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ,ເພື່ອເສີມຂະຫຍາຍບົດບາດຊຸກຍູ້ຂອງລາຄາທີ່ມີຕໍ່ການປະຢັດຊັບພະຍາກອນແລະການອະນຸລັກສິ່ງແວດລ້ອມຢ່າງເຕັມສ່ວນ,ປີໜ້າ,ຈີນຈະລົງເລິກປະຕິຮູບລາຄາຂອງຊັບພະຍາກອນແລະຕົ້ນທຶນອະນຸລັກສິ່ງແວດລ້ອມຕື່ມອີກ.
ທ່ານປີ້ຈິງສວນກ່າວວ່າ,ປີໜ້າ,ຈີນຈະເລັ່ງລັດຊຸກຍູ້ປະຕິຮູບລາຄານ້ຳມັນສຳເລັດຮູບແລະອາຍແກັສທຳມະຊາດ.ຊຸກຍູ້ການປະຕິຮູບວິທີເກັບມ້ຽນຂີ້ເຫຍື້ອ ແລະວິທີເກັບຄ່າມ້ຽນຂີ້ເຫຍື້ອ,ຊຸກຍູ້ການນຳໃຊ້ຊັບພະຍາກອນແບບສັງລວມ.ທ່ານປີ້ຈິງສວນກ່າວເນັ້ນວ່າ,ການປະຕິຮູບລາຄາຂອງຊັບພະຍາກອນແລະຄ່າອະນຸລັກສິ່ງແວດລ້ອມຕ້ອງຊຸກຍູ້ການປະຢັດແລະນຳໃຊ້ຊັບພະຍາກອນແບບສັງລວມ.
|
|
