|
ໂຄສົກກະຊວງການຕ່າງປະເທດຈີນເວົ້າວ່າ,ຈີນ ຍີ່ປຸ່ນແລະອິນເດຍມີຜົນປະໂຫຍດ
ຮ່ວມອັນກວ້າງຂວາງໃນການປົກປັກຮັກສາສັນຕິພາບແລະສະຖຽນລະພາບ
cri
ຕາມຂ່າວcri:ວັນທີ 12 ທັນວາ,ຢູ່ປັກກິ່ງ,ທ່ານຊີນກ່າງ ໂຄສົກກະຊວງການຕ່າງປະເທດຈີນເວົ້າວ່າ,ຈີນ ຍີ່ປຸ່ນແລະອິນເດຍລ້ວນແຕ່ແມ່ນປະເທດສຳຄັນຂອງພາກພື້ນແຫ່ງນີ້,ສາມປະເທດມີຜົນປະໂຫຍດຮ່ວມອັນກວ້າງຂວາງໃນການປົກປັກຮັກສາສັນຕິພາບກັບສະຖຽນລະພາບຂອງພາກພື້ນແຫ່ງນີ້,ຊຸກຍູ້ການພັດທະນາພ້ອມກັນ,ບັນລຸຄວາມຈະເລີນຮຸ່ງເຮືອງພ້ອມກັນ.
ທ່ານຊິນກ່າງແມ່ນກ່າວຄຳວິຈານດັ່ງກ່າວໃນເວລາຕອບຄຳຖາມຂອງນັກຂ່າວກ່ຽວກັບນາຍົກລັດຖະມົນຕີອິນເດຍຈະໄປຢ້ຽມຢາມຍີ່ປຸ່ນໃນໄວໆນີ້.ທ່ານຍັງກ່າວເນັ້ນວ່າ,ຝ່າຍຈີນເຫັນວ່າ,ຈີນ ຍີ່ປຸ່ນແລະອິນເດຍພ້ອມປະເທດອື່ນໆຢູ່ພາກພື້ນແຫ່ງນີ້ຄວນເພີ່ມທະວີການສົນທະນາ ການແລກປ່ຽນແລະການຮ່ວມມືກັນ,ພ້ອມກັນສຸມກຳລັງເຂົ້າໃນສັນຕິພາບແລະຄວາມຈະເລີນຮຸ່ງເຮືອງຂອງພາກພື້ນແຫ່ງນີ້,ຄວນສ້າງທັດສະນະຄວາມໝັ້ນຄົງແບບໃໝ່,ທັດສະນະພັດທະນາແບບໃໝ່,ເຊິ່ງກໍ່ຄືສັນຕິພາບ ການພັດທະນາແລະການຮ່ວມມືກັນ.
|
|
