|
|
 |
| (GMT+08:00)
2006-12-13 19:18:20
|
 |
|
ການຮ່ວມມືຂົນສົ່ງທາງເຮືອສາກົນລະຫວ່າງຈີນກັບອາຊຽນນັບມື້ນັບໃກ້ຊິດ
cri
ຕາມຂ່າວສານຊິນຮວາ: ການຮ່ວມມືຂົນສົ່ງທາງເຮືອສາກົນລະຫວ່າງຈີນກັບອາ
ຊຽນນັບມື້ນັບໃກ້ຊິດ, ໃນ 5 ປີມານີ້,ມູນຄ່າການຄ້າຂົນສົ່ງທາງທະເລ ໄດ້ເພີ່ມຂຶ້ນ 22,7%ສະເລ່ຍຕໍ່ປີ.ໃນຊຸດສຳມະນາການຮ່ວມມືຂົນສົ່ງທາງເຮືອສາກົນແມ່ນ້ຳລ້ານຊ້າງແມ່ນ້ຳຂອງລະຫວ່າງຈີນກັບອາຊຽນທີ່ຈັດຂຶ້ນຢູ່ຄຸນມິງແຂວງຢຸນນານຂອງຈີນໃນວັນທີ 12 ທັນວາ,ທ່ານເຢີນຈ້ຽນຮວາ ຮອງຫົວໜ້າກົມແຜນການສັງລວມກະຊວງຄົມມະນາຄົມຈີນໄດ້ເປີດເຜີຍຕົວເລກດັ່ງກ່າວ.ທ່ານເວົ້າວ່າ,ປີ 2005,ມູນຄ່າການຄ້າຂົນສົ່ງທາງທະເລລະຫວ່າງຈີນກັບອາຊຽນໄດ້ບັນລຸ 66 ຕື້ໂດລາ,ກວມມູນຄ່າການຄ້າລະຫວ່າງຈີນກັບອາຊຽນກວ່າເຄິ່ງໜຶ່ງ.ພ້ອມກັນນັ້ນ,ການຂົນສົ່ງທາງເຮືອສາກົນລະຫວ່າງແມ່ນ້ຳລ້ານຊ້າງແມ່ນ້ຳຂອງກໍ່ໄດ້ມີຄວາມຄືບໜ້າຢ່າງຫລວງຫລາຍ,ປະຈຸບັນ,ປະລິມານຂົນສົ່ງສິນຄ້າສາກົນແມ່ນ 6 ແສນກວ່າໂຕນຕໍ່ປີ,ຂົນສົ່ງຜູ້ໂດຍສານສາກົນມີຫລາຍໝື່ນເທື່ອຄົນຕໍ່ປີ,ໄດ້ເສີມຂະຫຍາຍບົດບາດສຳຄັນໃນການຊຸກຍູ້ການຄ້າ ການໄປມາຫາສູ່ກັນຂອງປະຊາຊົນແລະການແລກປ່ຽນວັດທະນະທຳຂອງປະເທດແລະເຂດແຄວ້ນລຽບຝັ່ງ.
ທ່ານເຢີນຈ້ຽນຮວາກ່າວວ່າ,ຈີນຈະຊົມໃຊ້ບົດຮຽນພັດທະນາການຂົນສົ່ງທາງນ້ຳກັບປະເທດຕ່າງໆຂອງອາຊຽນ,ເພີ່ມທະວີການແລກປ່ຽນເຕັກໂນໂລຊີ ການອົບຮົມພະນັກງານຂົນສົ່ງທາງເຮືອສາກົນ,ລົງເລິກການຮ່ວມມືດ້ານ ການຂົນສົ່ງທາງເຮືອສາກົນກັບອະນຸພາກພື້ນແມ່ນ້ຳຂອງ.
|
|
|
