|
|
 |
| (GMT+08:00)
2006-12-14 19:33:37
|
 |
|
ການເຈລະຈາເສດຖະກິດດ້ານຍຸດທະສາດລະຫວ່າງຈີນອາເມລິກາຄັ້ງທຳອິດຈັດຂຶ້ນຢູ່ປັກກິ່ງ
cri
ຕາມຂ່າວcri:ວັນທີ 14 ທັນວາ,ການເຈລະຈາເສດຖະກິດດ້ານຍຸດທະສາດລະຫວ່າງຈີນອາເມລິກາຄັ້ງທຳອິດໄດ້ຈັດຂຶ້ນຢູ່ປັກກິ່ງ,ຫົວຂໍ້ຫລັກຂອງການສົນທະນາແມ່ນ "ເສັ້ນທາງພັດທະນາຂອງຈີນກັບຍຸດທະສາດພັດທະນາເສດຖະກິດຂອງຈີນ".ຈີນອາເມລິກາທັງສອງຝ່າຍຈະລົງເລິກຄົ້ນຄວ້າຫາລືກ່ຽວກັບບັນຫາຕ່າງໆເຊັ່ນການເຕີບໂຕແບບຍືນຍົງຂອງເສດຖະກິດ ການຊຸກຍູ້ການຄ້າແລະການລົງທຶນພ້ອມດ້ວຍພະລັງງານແລະສິ່ງແວດລ້ອມເປັນຕົ້ນ.
ນາງອູອີ ຮອງນາຍົກລັດຖະມົນຕີຈີນແລະກທ່ານເຮນຣີ ປາວເຊີນ ລັດຖະມົນຕີກະຊວງການເງິນອາເມລິກາໄດ້ເປັນປະທານການເຈລະຈາເທື່ອນີ້ໃນນາມເປັນຜູ້ຕາງໜ້າພິເສດຂອງປະມຸກລັດປະເທດຕົນ.ໃນເວລາກ່າວຄຳປາໄສ,ນາງອູອີເວົ້າວ່າ,ສອງຝ່າຍ ຄວນດຳເນີນການສົນທະນາບົນຈິດໃຈກົງໄປກົງມາແລະຕິດແທດຕົວຈິງ,ເອົາຄວາມຍາວໄກກັບຄວາມເປັນຈິງ ຍຸດທະສາດກັບຮູບປະທຳ ພາກສ່ວນທັງໝົດກັບພາກສ່ວນໜຶ່ງປະສານສົມທົບກັນຢ່າງພໍດ້າມພໍດີ,ພະຍາຍາມສະແຫວງຫາໝາກຜົນຂອງການຮ່ວມມືທີ່ຊະນະທັງສອງຝ່າຍ,ເຮັດໃຫ້ການເຈລະຈາໄດ້ຮັບຜົນສຳເລັດ,ສ້າງພື້ນຖານອັນໝັ້ນແກ່ນແກ່ການພົວພັນຮ່ວມມືທີ່ມີລັກສະນະສ້າງສັນລະຫວ່າງຈີນອາເມລິກາ.
ທ່ານປາວເຊີນເວົ້າວ່າ,ອາເມລິກາຈີນມີຜົນປະໂຫຍດເສດຖະກິດຮ່ວມ,ຈີນໄດ້ເຊື່ອມໂຍງເຂົ້າລະບົບເສດຖະກິດໂລກແລ້ວ,ຝ່າຍອາເມລິກາຫວັງຢາກສ້າງການພົວພັນດ້ານເສດຖະກິດການຄ້າທີ່ຕ່າງຝ່າຍຕ່າງມີຜົນປະໂຫຍດແລະຊະນະທັງສອງຝ່າຍກັບຈີນ.
ໃນກອງປະຊຸມຫົວຂໍ້ສະເພາະທີ່ຈັດຂຶ້ນຫລັງຈາກນັ້ນ,ນາງອູອິໄດ້ກ່າວສູນທອນພົດທີ່ພາດຫົວເລື່ອງວ່າ "ເສັ້ນທາງພັດທະນາຂອງຈີນ."
|
|
|
