|
|
 |
| (GMT+08:00)
2006-12-15 20:56:15
|
 |
|
ຈີນຈະອຳນວຍຄວາມສະດວກຫລາຍກວ່າເກົ່າໃຫ້ແກ່ຕ່າງປະເທດລົງທຶນໃນ
ຂົງເຂດຄົ້ນຄວ້າພັດທະນາ
cri
ຕາມຂ່າວສານຊິນຮວາ:ວັນທີ 14 ທັນວາ,ຢູ່ປັກກິ່ງ,ທ່ານຊຸນເຜີງ ຮອງຫົວໜ້າກົມທຶນຕ່າງປະເທດກະຊວງການຄ້າຈີນກ່າວວ່າ,ວິສາຫະກິດຕ່າງປະເທດໄດ້ກາຍເປັນໜຶ່ງໃນອົງກອນຫລັກຂອງການປະດິດສ້າງດ້ານວິທະຍາສາດເຕັກໂນໂລຊີຂອງຈີນ,ຈີນຈະອຳນວຍຄວາມສະດວກຫລາຍກວ່າເກົ່າໃຫ້ແກ່ຕ່າງປະເທດລົງທຶນໃນຂົງເຂດຄົ້ນຄວ້າພັດທະນາ.
ໃນກອງປະຊຸມເວທີປາໄສສາກົນການຄົ້ນຄວ້າພັດທະນາໂລກາພິວັດທີ່ຈັດຂຶ້ນໃນມື້ດຽວກັນ,ທ່ານຊຸນເຜີງເປີດເຜີຍວ່າ,ຈີນສົ່ງເສີມນັກທຸລະກິດຕ່າງປະເທດສ້າງສູນຄົ້ນຄວ້າພັດທະນາທົ່ວໂລກແລະພາກພື້ນຂອງຕົນຢູ່ຈີນ,ດຳເນີນການຮ່ວມມືດ້ວຍຫລາຍຮູບການກັບສະຖາບັນຄົ້ນຄວ້າວິທະຍາສາດແລະວິສາຫະກິດທີ່ກ່ຽວຂ້ອງຂອງຈີນ.ກະຊວງການຄ້າຈີນພວມຄົ້ນວຄວ້າວາງຂໍ້ກຳນົດທີ່ກ່ຽວຂ້ອງ,ແກ້ໄຂບັນຫາຂອງສູນຄົ້ນຄວ້າພັດທະນາຕ່າງປະເທດໃນການນຳເຂົ້າວັດຖຸດິບ ການແຈ້ງດ່ານພາສີແລະການຮັບສະໝັກພະນັກງານເປັນຕົ້ນ.
ປະຈຸບັນ,ໃນບໍລິສັດທີ່ຄ່າໃຊ້ຈ່າຍດ້ານການຄົ້ນຄວ້າພັດທະນາຫລາຍກວ່າໝູ່ໃນໂລກມີກວ່າເຄິ່ງໜຶ່ງເລີ່ມດຳເນີນການຄົ້ນຄວ້າພັດທະນາຢູ່ຈີນ.ຕາມການສຳຫລວດຂອງສະພາການຄ້າແລະການພັດທະນາຂອງສະຫະປະຊາຊາດ,ມີບໍລິສັດຂ້າມຊາດຫລາຍກວ່າ 60%ຖືຈີນເປັນບ່ອນເລືອກເຟັ້ນກ່ອນໝູ່ຂອງຕົນໃນການເລືອກເອົາບ່ອນຄົ້ນຄວ້າພັດທະນາຢູ່ຕ່າງປະເທດແຕ່ປີ 2005 ຫາປີ 2009.
|
|
|
