|
ທ່ານຫູຈິນທາວກ່າວວ່າຈີນອາເມລິກາຄວນພ້ອມກັນພະຍາຍາມຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງສອງປະເທດໃນລະດັບສູງກວ່າເກົ່າແລະຂົງເຂດກວ້າງກວ່າເກົ່າ
cri
ຕາມຂ່າວCRI,ວັນທີ15ທັນວານີ້,ຢູ່ທີ່ປັກກິ່ງ,ທ່ານຫູຈິນທາວ ປະທານປະເທດຈີນກ່າວວ່າ,ສອງຝ່າຍຈີນອາເມລິກາຄວນ ພະຍາຍາມພ້ອມກັນເພື່ອຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງສອງປະເທດໃນລະດັບສູງກວ່າເກົ່າແລະຂົງເຂດກວ້າງກວ່າເກົ່າ,ສ້າງອະນາຄົດທີ່ດີງາມກວ່າເກົ່າຂອງການພົວພັນເສດຖະກິດການຄ້າລະຫວ່າງຈີນອາເມລິກາ.
ທ່ານຫູຈິນທາວແມ່ນໃຫ້ທັດສະນະດັ່ງກ່າວໃນເວລາພົບປະທ່ານແຮນລີໂພຊັນ ຜູ່ຕາງໜ້າພິເສດຂອງປະທານາທິບໍດີອາເມລິກາ ລັດຖະມົນຕີວ່າການກະຊວງການເງິນອາເມລິກາພ້ອມດ້ວຍສະມາຊິກສຳຄັນຂອງຄະນະຜູ່ແທນອາເມລິກາທີ່ມາເຂົ້າຮ່ວມການເຈລະຈາເສດຖະກິດຍຸດທະສາດຈີນອາເມລິກາຄັ້ງທຳອິດ.ທ່ານກ່າວວ່າ,ຈີນອາເມລິກາຄວນປະຕິບັດຕາມຈິດໃຈຕ່າງຝ່າຍຕ່າງມີຜົນປະໂຫຍດແລະພັດທະນາພ້ອມກັນ,ເຮັດໃຫ້ທ່ວງທ່າດີຂອງການຮ່ວມມືດ້ານເສດຖະກິດລະຫວ່າງສອງປະເທດຂະຫຍາຍໄປໜ້າຕໍ່ໄປ,ພ້ອມກັນນັ້ນ,ຄວນເຈລະຈາຢ່າງກົງໄປກົງມາ,ປຶກສາຫາລືກັນຢ່າງມີໄມຕີຈິດ,ໃຊ້ທ່າທີອັນຕັ້ງໜ້າ,ຊຳລະບັນຫາທີ່ມີຢູ່ໃນການຮ່ວມມືດ້ານເສດຖະກິດການຄ້າລະຫວ່າງສອງປະເທດ.
ເມື່ອກ່າວເຖິງການເຈລະຈາເສດຖະກິດຍຸດທະສາດຈີນອາເມລິກາຄັ້ງທຳອິດ,ທ່ານ
ຫູຈິນທາວກ່າວວ່າ,ການເຈລະຈາຄັ້ງນີ້ບໍ່ພຽງແຕ່ມີຜົນດີຕໍ່ການສືບຕໍ່ຊຸກຍູ້ການຮ່ວມ
ມືດ້ານເສດຖະກິດການຄ້າຈີນອາເມລິກາເທົ່ານັ້ນ,ແລະກໍຈະເກີດມີຜົນສະທ້ອນອັນ ຕັ້ງໜ້າຕໍ່ການພັດທະນາຢ່າງໝັ້ນທ່ຽງຂອງເສດຖະກິດພາກພື້ນກໍຄືຂອງໂລກ.ທ່ານ ຫວັງໃຫ້ສອງຝ່າຍນຳໃຊ້ໂອກາດກົນໄກໃໝ່ດັ່ງກ່າວຢ່າງເຕັມສ່ວນ.ພະຍາຍາມເຮັດ
ໃຫ້ກົນໄກນີ້ນັບມື້ນັບດີຂຶ້ນ.
ທ່ານໂພຊັນກ່າວວ່າ,ຝ່າຍອາເມລິກາຈະສືບຕໍ່ພະຍາຍາເພື່ອການຂະຫຍາຍການພົວ ພັນຮ່ວມມືດ້ານເສດຖະກິດການຄ້າລະຫວ່າງສອງປະເທດ,ເພີ່ມທະວີການຮ່ວມມືກັບ
ຈີນໃນດ້ານພະລັງງານ,ຄວາມປອດໄພກັບປະສິດທິພາບ,ອະນຸລັກສິ່ງແວດລ້ອມ,ການ
ໄຂຕະຫຼາດ, ການປິ່ນປົວແລະສາທາລະນະສຸກ,ແລະຊຸກຍູ້ຂະບວນການເຈລະຈາຮອບ
ໂດຮາ.
|
|
