|
|
 |
| (GMT+08:00)
2006-12-15 21:44:28
|
 |
|
ອາເມລິກາໄດ້ຮັບຜົນປະໂຫຍດຢ່າງຫລວງຫລາຍຈາກການພັດທະນາເສດຖະກິດຂອງຈີນ
cri
ຕາມຂ່າວສານຊິນຮວາ: ວັນທີ 15 ທັນວາ,ຢູ່ປັກກິ່ງ,ທ່ານເບີນານເຄີ ປະທານອົງການFEDຂອງອາເມລິກາທີ່ພວມຢ້ຽມຢາມຈີນກ່າວວ່າ,ອາເມລິກາໄດ້ຮັບຜົນປະໂຫຍດຢ່າງຫລວງຫລາຍຈາກການພັດທະນາເສດຖະກິດຂອງຈີນ,ເສດຖະກິດຈີນທີ່ນັບມື້ນັບເຊື່ອມໂຍງເຂົ້າໃນລະບົບທົ່ວໂລກໄດ້ສ້າງຜົນປະໂຫຍດໃຫ້ແກ່ອາເມລິກາໃນຫລາຍດ້ານ.
ໃນເວລາກ່າວປາຖະກະຖາຢູ່ສະພາບັນດິດວິທະຍາສາດສັງຄົມຈີນທີ່ພາດຫົວເລື່ອງວ່າ:ເສດຖະກິດຈີນ-ຄວາມກ້າວໜ້າກັບການທ້າທາຍ,ທ່ານເບີນານເຄີຊີ້ອອກວ່າ,ຈີນໄດ້ກາຍເປັນປະເທດນຳເຂົ້າໃຫຍ່ທີສອງຂອງອາເມລິກາແລ້ວ,ສິນຄ້າທີ່ນຳເຂົ້າຈາກຈີນໄດ້ຊຸກຍູ້ການບໍລິໂພກຂອງຄອບຄົວອາເມລິກາ,ແລະກໍ່ເຮັດໃຫ້ບໍລິສັດອາເມລິກາສາມາດຊື້ອຸປະກອນການຜະລິດທີ່ເຂົາເຈົ້າຕ້ອງການດ່ວນດ້ວຍລາຄາຖືກ.ເວົ້າສຳລັບບໍລິສັດອາເມລິກາແລ້ວ,ຈີນຍັງແມ່ນຕະຫລາດການລົງທຶນແລະສົ່ງອອກທີ່ເຕີບໂຕຂຶ້ນຢ່າງບໍ່ຢຸດຢັ້ງ,ແຕ່ຈີນເຂົ້າເປັນສະມາຊິກອົງການການຄ້າໂລກມານີ້,ອາເມລິກາສົ່ງອອກຕໍ່ຈີນໄດ້ເພີ່ມຂຶ້ນສອງເທົ່າກວ່າ.
ທ່ານເບີນານເຄີຍັງໄດ້ຕີລາຄາຢ່າງຕັ້ງໜ້າຕໍ່ຜົນສຳເລັດດ້ານເສດຖະກິດທີ່ຈີນຍາດມາໄດ້.ທ່ານກ່າວວ່າ,ເບິ່ງຈາກຍອດປະລິມານເສດຖະກິດແລ້ວ,ຈີນໄດ້ກາຍເປັນອົງກອນເສດຖະກິດໃຫຍ່ທີສີ່ຂອງໂລກແລ້ວ.
ທ່ານເບີນານເຄີແມ່ນຕິດຕາມທ່ານປາວເຊີນ ລັດຖະມົນຕີວ່າການກະຊວງການເງິນອາເມລິກາມາເຂົ້າຮ່ວມການເຈລະຈາເສດຖະກິດດ້ານຍຸດທະສາດລະຫວ່າງຈີນອາເມລິກາຄັ້ງທຳອິດໃນວັນທີ 14 ທັນວາ.
|
|
|
