|
|
 |
| (GMT+08:00)
2006-12-15 21:57:13
|
 |
|
ຈີນຈະສ້າງສຳນັກງານຕາງໜ້າຢູ່ຕະຫລາດຫລັກຊັບນີວຢອກແລະນາສດັກ
cri
ຕາມຂ່າວcri:ວັນທີ 15 ທັນວາ,ທ່ານຈິນເຢີນຊິ້ງ ລັດຖະມົນຕີວ່າການກະຊວງການເງິນຈີນກ່າວວ່າ,ໃນໄລຍະການເຈລະຈາເສດຖະກິດດ້ານຍຸດທະສາດລະຫວ່າງຈີນອາເມລິກາຄັ້ງທຳອິດ,ຈີນອາເມລິກາທັງສອງຝ່າຍເຫັນດີສ້າງສຳນັກງານຕາງໜ້າຢູ່ຕະຫລາດຫລັກຊັບນີວຢອກແລະນາສດັກ.
ຕະຫລາດຫລັກຊັບນີວຢອກແມ່ນຕະຫລາດຊື້ຂາຍຫລັກຊັບທີ່ໃຫຍ່ກວ່າໝູ່ໃນໂລກ.ໃນບໍລິສັດທີ່ຈຳໜ່າຍບັດຫຸ້ນສ່ວນຢູ່ຕະຫລາດຫລັກຊັບນີວຢອກ,ວິສາຫະກິດທີ່ມາຈາກແຜ່ນດິນໃຫຍ່ຈີນ ເຂດພິເສດຮົງກົງແລະໄຕ້ຫວັນຈີນລວມມີ 31 ບໍລິສັດ.
ບໍລິສັດຕະຫລາດຫລັກຊັບນາສດັກແມ່ນຕະຫລາດຊື້ຂາຍບັດຫຸ້ນສ່ວນດ້ວຍເອເລັກໂຕຼນິກແຫ່ງທຳອິດຂອງໂລກ,ໄດ້ກາຍເປັນໜຶ່ງໃນຕະຫລາດຫຸ້ນສ່ວນທີ່ໃຫຍ່ກວ່າໝູ່ໃນຍຸກສະໄໝອິນເຕີເນັດ.ມີບໍລິສັດຈີນເກືອບ 30 ບໍລິສັດໄດ້ຈຳໜ່າຍບັດຫຸ້ນສ່ວນຢູ່ນາສດັກ.
ທ່ານຈິນເຢີນຊິ້ງຍັງເປີດເຜີຍວ່າ,ຈີນອາເມລິກາທັງສອງຝ່າຍເຫັນດີຈັດການເຈລະຈາການບໍລິການດ້ານການບິນລະຫວ່າງສອງຝ່າຍຄືນໃໝ່ໃນເດືອນມັງກອນປີໜ້າ.
|
|
|
