|
|
 |
| (GMT+08:00)
2006-12-20 16:45:26
|
 |
|
ກອງປະຊຸມໄລຍະທີສອງຂອງການເຈລະຈາ 6 ຝ່າຍຮອບທີ 5 ເຂົ້າສູ່ມື້ທີ 3
cri
Author: da
ຕາມຂ່າວCRI: ວັນທີ 20 ທັນວານີ້ ກອງປະຊຸມໄລຍະທີສອງຂອງການເຈລະຈາ 6 ຝ່າຍຮອບທີ 5 ກ່ຽວກັບບັນຫານິວເຄຼຍແຫຼມເກົາຫຼີທີ່ຈັດຂຶ້ນຢູ່ປັກກິ່ງໄດ້ເຂົ້າສູ່ມື້ທີ 3,ຕອນເຊົ້າມື້ດຽວກັນ ຄະນະຜູ່ແທນປະເທດຕ່າງໆທີ່ເຂົ້າຮ່ວມກອງປະຊຸມໄດ້ຈັດການປຶກສາຫາລືລະຫວ່າງສອງຝ່າຍ.
ການປຶກສາຫາລືກ່ຽວກັບບັນຫາດ້ານການເງິນລະຫວ່າງສປປເກົາຫຼີກັບອາເມລິກາໄດ້ຈັດຂຶ້ນຢູ່ສະຖານທູດສປປເກົາຫຼີປະຈຳຈີນໃນຕອນເຊົ້າວັນທີ 20 ທັນວານີ້.ການປຶກສາຫາລືສອງຝ່າຍອື່ນໆກໍໄດ້ຈັດຂຶ້ນພ້ອມກັນ. ຕອນບ່າຍວັນທີ 20 ທັນວາ,ທ່ານຫຼີຈ້າວຊິງ ລັດຖະມົນຕີວ່າການກະຊວງການຕ່າງປະເທດຈີນຈະພົບປະກັບຫົວໜ້າຄະນະຜູ່ແທນປະເທດຕ່າງໆທີ່ເຂົ້າຮ່ວມການເຈລະຈາ 6 ຝ່າຍ,ຈາກນັ້ນຈະຈັດກອງປະຊຸມຫົວໜ້າຄະນະຜູ່ແທນ.
ຕອນເຊົ້າວັນທີ 20 ທັນວາ ກ່ອນທີ່ທ່ານຄຼິສໂຕເຟີ ຮິວ ຫົວໜ້າຄະນະຜູ່ແທນອາເມລິກາຈະອອກຈາກໂຮງແຮມໄປປຶກສາຫາລືກັບຄະນະຜູ່ແທນສປປເກົາຫຼີ ທ່ານໄດ້ກ່າວຕໍ່ນັກຂ່າວວ່າ,ຈຸດປະສົງຂອງການເຈລະຈາ 6 ຝ່າຍແມ່ນເພື່ອເຮັດໃຫ້ແຫຼມເກົາຫຼີປອດນິວເຄຼຍແລະໃຫ້ການພົວພັນລະຫວ່າງສປປເກົາຫຼີກັບປະເທດທີ່ກ່ຽວຂ້ອງກັບຄືນສູ່ສະພາບປົກກະຕິ.
ວັນທີ 20 ທັນວານີ້ ທ່ານໂນຣີຢູກີ ຊີກາຕະ ໂຄສົກຄະນະຜູ່ແທນຍີ່ປຸ່ນກ່າວວ່າ,ຍິ່ປຸ່ນຫວັງໃຫ້ການແກ້ໄຂບັນຫານິວເຄຼຍແຫຼມເກົາຫຼີມີບາດກ້າວທີ່ສຳຄັນໂດຍຜ່ານການເຈລະຈາ 6 ຝ່າຍ.ທ່ານຍັງກ່າວວ່າ,ປະຈຸບັນ ຝ່າຍຕ່າງໆພວມໂຮມສູນຫາລືລາຍລະອຽດຂອງການສ້າງໜ່ວຍວຽງານການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີ.
|
|
|
