|
ຕາມຂ່າວCRI:ວັນທີ20ທັນວາແມ່ນວັນລະລຶກມາກາວກັບຄືນສູ່ປະເທດຈີນ,ວົງການຕ່າງໆຂອງມາກາວໄດ້ຈັດກິດຈະກຳຂະໜາດໃຫຍ່ຕ່າງໆ,ສະຫຼອງມາກາວກັບຄືນສູ່ປະເທດຈີນຄົບຮອບ7ປີ.
ໃນຕອນເຊົ້າ,ທ່ານເຮີໂຮ້ຮວາ ຜູ້ວ່າການບໍລິຫານເຂດບໍລິຫານພິເສດມາກາວ,ທ່ານປາຍເຈີ້ຈ້ຽນ ຫົວໜ້າຫ້ອງການຕິດຕໍ່ພົວພັນລັດຖະບານສູນກາງຈີນປະຈຳມາກາວແລະທ່ານອື່ນໆກັບບຸກຄົນວົງການຕ່າງໆໄດ້ຈັດພິທີຊັກທຸງຊາດຂຶ້ນຢູ່ສະໜາມຫຼວງດອກບົວຄຳ. 4ໂມງແລງ,ບຸກຄົນວົງການຕ່າງໆຂອງມາກາວ ພັນກວ່າຄົນໄດ້ເຂົ້າຮ່ວມງານລ້ຽງສະຫຼອງການກັບຄືນສູ່ປະເທດຊາດທີ່ອົງການປົກຄອງເຂດພິເສດມາກາວເປັນຜູ້ຈັດຂຶ້ນ.ໃນເວລາກ່າວຄຳປາໄສ,ທ່ານເຮີໂຮ້ຮວາກ່າວເນັ້ນວ່າ,ເຊື່ອວ່າພາຍໃຕ້ການສະໜັບສະໜູນຂອງລັດຖະບານສູນກາງ,ວົງການຕ່າງໆຂອງມາກາວສາມັກຄີເປັນຈິດໜຶ່ງໃຈດຽວ,ຍ່ອມຈະສາມາດເຮັດໃຫ້ອະນາຄົດຂອງມາກາວຍິ່ງສວຍງາມກວ່າເກົ່າ.
ໜັງສືພິມຕົ້ນຕໍທີ່ພິມຈຳໜ່າຍໃນມື້ດຽວກັນລ້ວນແຕ່ພິມບົດຄວາມສະແດງຄວາມອວຍພອນ,ແລະສະເໜີຄວາມຄິດຄວາມເຫັນຕໍ່ການພັດທະນາຂອງເຂດພິເສດມາກາວໃນອະນາຄົດ.
|
