|
ຕາມຂ່າວສານຊິນຮວາ:ໃນເວທີປາໄສການຮ່ວມມືເສດຖະກິດຈີນ-ອາຊີອາຄະເນຄັ້ງທີສອງທີ່ຈັດຂຶ້ນຢູ່ເມືອງນານນີງເຂດກວາງຊີຈີນ,ຜູ້ຊ່ຽວຊານເຫັນວ່າ,ອະນຸພາກພື້ນແມ່ນ້ຳຂອງມີພື້ນຖານດ້ານຊັບພະຍາກອນທ່ອງທ່ຽວແລະການຮ່ວມມືທ່ອງທ່ຽວການພັດທະນາແລະການຮ່ວມມືຄວນຖືການທ່ອງທ່ຽວເປັນອຸດສາຫະກຳນຳທາງ, ນຳທາງການພັດທະນາຂອງອຸດສາຫະກຳຕ່າງໆ,ເຊັ່ນ,ຄົມມະນາຄົມ,ພະລັງງານແລະໂທລະຄົມເປັນຕົ້ນ.
ນາງຫຼີລຸ້ຍເຊຍເຮັດວຽກຢູ່ສະຖາບັນຄົ້ນຄ້ວາອາຊີອາຄະເນສະພາບັນດິດວິທະຍາສາດສັງຄົມແຂວງຢຸນນານ,ນາງສະເໜີວ່າ,ປະເທດຕ່າງໆໃນພາກພື້ນຄວນປະຕິບັດຕາມຮູບການຮ່ວມມື,ເພິ່ມທະວີການກໍ່ສ້າງພື້ນຖານໂຄງລ່າງທ່ອງທ່ຽວທີ່ຖືຄົມມະນາຄົມເປັນຈຸດໜັກ,ແລະເຮັດໃຫ້ຂັ້ນຕອນການທ່ອງທ່ຽວຂ້າມຊາດງ່າຍຂຶ້ນກວ່າເກົ່າ,ສ້າງເສັ້ນທາງທ່ອງທ່ຽວທີ່ໜ້າສົນໃຈ,ຍົກສູງຄວາມສາມາດຂອງພະນັກງານອຸດສາຫະກຳທ່ອງທ່ຽວແລະລະດັບການຄຸ້ມຄອງຂອງບໍລິສັດທ່ອງທ່ຽວໃຫ້ສູງຂຶ້ນ,ເພື່ອຊຸກຍູ້ການກໍ່ສ້າງວົງການຮ່ວມມືທ່ອງທ່ຽວພາກຕາເວັນຕົກສຽງໃຕ້ກັບແຫຼມອິນໂດ-ຈີນ.
|
