ຕາມ​ຂ່າວສານ​ຊິນ​ຮວາ:ວັນ​ທີ20​ທັນ​ວາ,ຢູ່​ທີ່​ປັກ​ກິ່ງ,ທ່ານ​ຈິ່ນ​ເຢີນຊີ້ງ ລັດຖະມົນຕີ​ວ່າການ​ກະຊວງ​ການ​ເງິນ​ຈີນກ່າ​ວວ່າ,ການ​ແກ້​ໄຂ​ບັນຫາ​ກະ​ສິກຳ,ຊົນ​ນະບົດ​ແລະ​ຊາວ​ກະສິກອນ​ຍັງ​ຈະ​ແມ່ນ​ຈຸດ​ໜັກ​ຂອງ​ວຽກ​ງານ​ການ​ເງິນ​ຈີນ​ໃນ​ປີໜ້າ.

ໃນ​ງານ​ຖະ​ແຫຼງ​ຂ່າວທີ່ຈັດ​ຂຶ້ນ​ໃນ​ມື້​ດຽວ​ກັນ,ທ່ານ​ຈິ່ນ​ເຢີ​ນຊີ້ງ​ເວົ້າ​ວ່າ,ປີ​ໜ້າ,ກະ​ຊວງ​ການ​ເງິນ​ຈີນ​ຍັງ​ຈະ​ສືບຕໍ່ຍຶດ​ໝັ້ນຖື​ການອອກ​ແຮງສະ​ໜັບສະ​ໜູນ​​ແລະ​​ແກ້​ໄຂ​ບັນຫາກະ​ສິກຳ,ຊົນ​ນະບົດ​ແລະ​ຊາວ​ກະສິ​ກອນ​ເປັນ​ຈຸດ​ໜັກ​ຂອງ​ວຽກ​ງານ​ການ​ເງິນ,​ເພິ່ມທະວີ​ນະ​ໂຍບາຍ​ແລະ​ມາດ​ຕະການ​ຕ່າງໆ​ທີ່​ສະໜັບ​ສະໜູນ​ກະສິກຳ, ເຮັດ​​ໃຫ້​ມາດ​ຕະການ​​ສະໜັບ​ສະໜູນ​ກະສິກຳ​ທີ່ບັງ​ເກີດ​ຜົນ​ຫັນ​ເຂົ້າ​ສູ່​ລະບຽບ​ແບບ​ແຜນ​ແລະ​ເປັນ​ລະ​ບອບ​ເທື່ອ​ລະ​ກ້າວ,ສ້າງ​​ໃຫ້​ເປັນ​ນະ​ໂຍບາຍ​ແລະ​ລະບອບ​ສະໜັບ​ສະໜູນ​ກະສິກຳ​ທີ່​ຕໍ່​ເນື່ອງ​ແລະ​ໝັ້ນ​ທ່ຽງ.

ທ່ານ​ຍັງ​ເຜີຍ​ໃຫ້​ຮູ້​ວ່າ,ປີ​ໜ້າ,ການ​ລົງທຶນ​ຂອງ​ລັດຖະ​ບານ​ທີ່​ເພິ່ມຂຶ້ນ​ໃໝ່​ສ່ວນ​ຫຼາຍ​ຈະ​​ໃຊ້​ໃນ​ການ​ສ້າງສາ​ຊົນ​ນະບົດ​ແບບ​ໃໝ່,ຮັບປະ​ກັນຍອດ​ການ​ລົງທຶນ​ທີ່​ໃຊ້​​ໃນ​ການ​ສ້າງສາ​ຊົນ​ນະບົດ​ແບບ​ໃໝ່ມີ​ການ​ເພິ່ມຂຶ້ນ​ເມື່ອທຽບ​ກັບ​ປີ​ນີ້.

ແຕ່​ປີ2003​ຫາ​ປີ2006,ລາຍ​ຈ່າຍ​ໃນ​ງົບປະມານ​ການ​ເງິນ​ສູນ​ກາງ​ຈີນທີ່​ໃຊ້​ເຂົ້າ​ໃນກະ​ສິກຳ,ຊົນ​ນະບົດ​ແລະ​ຊາວ​ກະສິ​ກອນ​ໂດຍ​ກົງ​​ມີ1110​ກວ່າ​ຕື້​ຢວນ,​ເພິ່ມຂຶ້ນ​15%ຂຶ້ນ​ໄປຕໍ່​ປີ.