|
|
 |
| (GMT+08:00)
2006-12-22 17:56:51
|
 |
|
ຈີນຈະເລັ່ງລັດພັດທະນາການບິນສາຍສາຂາ
cri
ຕາມຂ່າວສານຊີນຮວາ,ວັນທີ22ທັນວານີ້ຢູ່ທີ່ປັກກິ່ງ,ທ່ານຢາງກົວຊິ້ງ ຮອງຫົວໜ້າກົມໃຫຍ່ການບິນພົນລະເຮືອນແຫ່ງຊາດຈີນກ່າວວ່າ,ຈີນຈະເລັ່ງລັດພັດທະນາການບິນສາຍສາຂາ,ສົ່ງເສີ່ມໃຫ້ບໍລິສັດການບິນເປີດສາຍສາຂາ.
ທ່ານຢາງກົວຊິ້ງແມ່ນໃຫ້ທັດສະນະດັ່ງກ່າວໃນເວລາເຂົ້າຮ່ວມພິທີລົງນາມທີ່ບໍລິສັດການບິນເຊິ່ນເຈິ້ນກັບບໍລິສັດການບິນເມຊາແອຂອງອາເມລິກາຮ່ວມທຶນຕັ້ງບໍລິສັດການບິນສາຍສາຂາ.ທ່ານເວົ້າວ່າ,ຈີນມີຕະຫຼາດການບິນພົນລະເຮືອນທີ່ມີກຳລັງບົ່ມຊ້ອນຫຼາຍກວ່າໝູ່ໃນໂລກ,ແຕ່ກໍມີບັນຫາດ້ານໂຄງປະກອບ,ຕົ້ນຕໍແມ່ນພາກຕາເວັນອອກ ພາກກາງແລະພາກຕາເວັນຕົກບໍ່ສະໝໍ່າສະເໝີກັນ,ຕະຫຼາດສາຍຫຼັກເຕັມແລ້ວແຕ່ຕະຫຼາດສາຍສາຂາຍັງບໍ່ທັນໄດ້ຮັບການພັດທະນາຢ່າງພຽງພໍ.
ບໍລິສັດການບິນສາຍສາຂາທີ່ບໍລິສັດການບິນເຊິ່ນເຈິ້ນຈີນກັບບໍລິສັດການບິນເມຊາແອຮ່ວມທຶນສ້າງຂຶ້ນນັ້ນແມ່ນບໍລິສັດການບິນສາຍສາຂາທີ່ມີຂະໜາດໃຫຍ່ກວ່າໝູ່ຢູ່ຈີນໃນປະຈຸບັນ,ແລະກໍແມ່ນບໍລິສັດການບິນສາຍສາຂາແຫ່ງທຳອິດຂອງຈີນທີ່ຮ່ວມທຶນກັບຕ່າງປະເທດ.
|
|
|
