|
ຜົນຜະລິດທັນຍາຫານຂອງຈີນໄດ້ເພີ່ມຂຶ້ນ 3 ປີລຽນຕິດ
cri
ຕາມຂ່າວສານຊິນຮວາ: ວັນທີ 24 ທັນວານີ້,ກະຊວງກະສິກຳຈີນປະກາດວ່າ,ຕາມການຄາດຄະເນວ່າ ຜົນຜະລິດທັນຍາຫານຂອງຈີນໃນປີ2006ນີ້ຈະບັນລຸ 490 ລ້ານໂຕນຂຶ້ນໄປ,ຜົນຜະລິດທັນຍາຫານຂອງຈີນໄດ້ເພີ່ມຂຶ້ນ 3 ປີລຽນຕິດ.
ຜູ້ຮັບຜິດຊອບຂອງກະຊວງກະສິກຳຈີນແນະນຳວ່າ,ສະມັດຖະພາບຜົນຜະລິດທັນຍາຫານຂອງຈີນໃນປີນີ້ຈະສ້າງສະຖິຕິສູງສຸດໃໝ່.ນີ້ສະແດງໃຫ້ເຫັນວ່າ,ແຕ່ກ່ອນ,ຜົນຜະລິດທັນຍາຫານຂອງຈີນເພີ່ມຂຶ້ນຕົ້ນຕໍແມ່ນອາໄສການເປີດກວ້າງເນື້ອທີ່,ດຽວນີ້ຕົ້ນຕໍແມ່ນອາໄສວິທະຍາສາດເຕັກໂນໂລຊີ ແລະຍົກສະມັດຖະພາບຜົນຜະລິດໃຫ້ສູງຂຶ້ນ.ນອກນີ້,ນອກຈາກທະຍາຫານໄດ້ຮັບຜົນເກັບກ່ຽວອຸດົມສົມບູນແລ້ວ,ຜືດຕ່າງໆຂອງຈີນໃນປີນີ້ກໍ່ພັດທະນາຢ່າງໝັ້ນທ່ຽງ,ຜົນຜະລິດຝ້າຍ ນ້ຳຕານ ຜັກ ໝາກໄມ້ແລະໃບຊາເປັນຕົ້ນກໍ່ເພີ່ມຂຶ້ນອ່າວໄວ.
ມື້ດຽວກັນ,ກະຊວງກະສິກຳຈີນຍັງຄາດຄະເນວ່າ,ປີນີ້,ລາຍໄດ້ສຸດທິຕາມຫົວຄົນ ຂອງຊາວກະສິກອນຈີນເພີ່ມຂຶ້ນຫລາຍກວ່າປີກາຍ 300 ຢວນຂຶ້ນໄປ,ເຊິ່ງເພີ່ມຂຶ້ນຫລາຍກວ່າ 6%,ນີ້ເປັນເທື່ອທຳອິດທີ່ລາຍໄດ້ສຸດທິຕາມຫົວຄົນຂອງຊາວກະສິກອນຈີນເພີ່ມຂຶ້ນຫລາຍກວ່າ 6% 3 ປີລຽນຕິດແຕ່ປີ 1985 ມານີ້.
|
|
