|
|
 |
| (GMT+08:00)
2006-12-24 19:23:40
|
 |
|
ຈີນຈະສ້າງກົດໝາຍ ປັບປຸງອັດຕາອາກອນລາຍໄດ້ຂອງວິສາຫະກິດຈີນແລະຕ່າງປະເທດເປັນເອກະພາບກັນຄື 25%
cri
ຕາມຂ່າວcri:ວັນທີ 24 ທັນວານີ້,ກົດໝາຍວ່າດ້ວຍອາກອນລາຍໄດ້ຂອງວິສາຫະກິດຈີນທີ່ໄດ້ຮັບຄວາມເອົາໃຈໃສ່ທີ່ສຸດໄດ້ເຂົ້າສູ່ລະບຽບການສ້າງກົດໝາຍ. ອີງຕາມຮ່າງກົດໝາຍ,ຈີນຈະສິ້ນສຸດການເກັບອາກອນລາຍໄດ້ຕໍ່ວິສາຫະກິດຈີນແລະຕ່າງປະເທດດ້ວຍອັດຕາຕ່າງກັນໃນເມື່ອກ່ອນ,ຈະເກັບອາກອນລາຍໄດ້ເປັນເອກະພາບກັນ,ອັດຕາອາກອນລາຍໄດ້ໃໝ່ແມ່ນ 25%,ວິສາຫະກິດຂະໜາດນ້ອຍທີ່ມີກຳໄລໜ້ອຍແລະວິສາຫະກິດໄຮເທັກຍັງຈະປະຕິບັດຕາມອັດຕາອາກອນລາຍໄດ້ພິເສດທີ່ຕ່ຳກວ່າ.
ມື້ດຽວກັນ,ໃນເວລາແນະນຳຮ່າງກົດໝາຍຕໍ່ຄະນະປະຈຳສະພາປະຊາຊົນແຫ່ງຊາດຈີນເຊິ່ງເປັນອົງການສ້າງກົດໝາຍຂອງຈີນ,ທ່ານຈິນເຢີນຊິ້ງ ລັດຖະມົນຕີວ່າການກະຊວງການເງິນຈີນກ່າວວ່າ,ອັດຕາອາກອນລາຍໄດ້ໃໝ່ແມ່ນຢູ່ໃນລະດັບພໍປານກາງແລະອ່າວຕ່ຳໃນສາກົນ.ການປັບປຸງອັດຕາອາກອນລາຍໄດ້ຂອງວິສາຫະກິດຈີນແລະຕ່າງປະເທດເປັນເອກະພາບກັນມີຜົນດີຕໍ່ການສ້າງສະພາບແວດລ້ອມລະບອບກົດໝາຍອາກອນລາຍໄດ້ທີ່ແກ່ງແຍ່ງກັນຢ່າງຍຸດຕິທຳໃຫ້ແກ່ວິສາຫະກິດປະເພດຕ່າງໆ,ແລະກໍ່ແມ່ນໜຶ່ງໃນວຽກງານທີ່ມີລັກສະນະເປັນຂີດໝາຍທີ່ລະບອບເສດຖະກິດຈີນເດີນໄປສູ່ຄວາມສຸກງອມແລະເປັນລະບຽບແບບແຜນ.
ຕາມສະຖິຕິ,ຮອດທ້າຍເດືອນພະຈິກປີນີ້,ນັບລວມແລ້ວ,ຈີນໄດ້ອະນຸມັດວິສາຫະກິດຕ່າງປະເທດເກືອບ 5 ແສນ 9 ໝື່ນແຫ່ງ,ນຳໃຊ້ທຶນຕ່າງປະເທດໃນຕົວຈິງ 676 ຕື້ 600 ລ້ານໂດລາ.
|
|
|
