|
ກະແສການຊື້ບໍລິສັດຈະສະໜອງໂອກາດໃໝ່ໃຫ້ແກ່ພາກຕາເວັນຕົກຂອງຈີນດຶງດູດທຶນຕ່າງປະເທດ
cri
ຕາມຂ່າວສານຊິນຮວາ,ວັນທີ24ທັນວານີ້,ຢູ່ເມືອງກຸ້ຍຢາງພາກຕາເວັນຕົກຂອງຈີນ,ທ່ານລົງຢົງຖູ ປະທານຂອງເວທີປຶກສາຫາລືອາຊີໂປອາວກ່າວວ່າ,ພາຍໃຕ້ສະພາບລວມແຫ່ງການໄຂປະຕູສູ່ພາຍນອກຂອງຈີນ,ການຊື້ບໍລິສັດຈະກາຍເປັນຮູບການສຳຄັນອັນໃໝ່ທີ່ດຶງດູດທຶນຈາກຕ່າງປະເທດ,ໄດ້ນຳເອົາໂອກາດໃໝ່ມາໃຫ້ການພັດທະນາຂອງພາກກາງແລະພາກຕາເວັນຕົກຂອງຈີນ.
ໃນກອງປະຊຸມເວທີປຶກສາຫາລືການພັດທະນາຂອງວິສາຫະກິດກຸ້ຍໂຈ່ງຄັ້ງປະຖົມມະເລີກທີ່ຈັດຂຶ້ນໃນວັນທີ24ທັນວານີ້,ທ່ານລົງຢົງຖູກ່າວວ່າ,ແຕ່ກ່ອນ,ທຶນຕ່າງປະເທດເຂົ້າສູ່ຈີນຕົ້ນຕໍແມ່ນລົງທຶນສ້າງຕັ້ງໂຮງງານ,ໃນຕໍ່ໜ້າ,ຈະໃຊ້ຮູບການຊື້ບໍລິສັດຫຼາຍກວ່າເກົ່າ.ການດຶງດູດທຶນຕ່າງປະເທດຈະກາຍເປັນຮູບການສຳຄັນສຳລັບພາກກາງແລະພາກຕາເວັນຕົກຂອງຈີນເພື່ອໂຮມສູນເງິນທຶນ,ເລັ່ງລັດການພັດທະນາໃນໄລຍະຍາວ.ຄຽງຄູ່ກັບການແບ່ງປັນແຮງງານໃນຕ໋ອງໂສ້ອຸດສາຫະກຳຂອງທົ່ວໂລກນັບມື້ນັບລະອຽດ,ພາກກາງແລະພາກຕາເວັນຕົກຂອງຈີນຈະພົບກັບໂອກາດລົງທຶນນັບມື້ນັບຫຼາຍຂຶ້ນ.
|
|
