|
ທະນາຄານກາງຂອງຈີນກ່າວວ່າ,ຈີນຄວນສືບຕໍ່ຮັກສາລັກສະນະສືບເນື່ອງແລະລັກສະນະໝັ້ນທ່ຽງຂອງນະໂຍບາຍເສດຖະກິດມະຫາພາກ
cri
ຕາມຂ່າວcri: ວັນທີ 25 ທັນວາ,ທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນຖະແຫລງວ່າ,ຄະນະກຳມະການນະໂຍບາຍເງິນຕາຂອງທະນາຄານກາງເຫັນວ່າ,ຈີນຄວນສືບຕໍ່ເພີ່ມທະວີແລະປົວແປງການດັດສົມມະຫາພາກຕ່າງໆ,ຮັກສາລັກສະນະສືບເນື່ອງແລະລັກສະນະໝັ້ນທ່ຽງຂອງນະໂຍບາຍເສດຖະກິດມະຫາພາກ,ສືບຕໍ່ປະຕິບັດນະໂຍບາຍເງິນຕາທີ່ໝັ້ນທ່ຽງ.
ທະນາຄານກາງກ່າວວ່າ,ປະຈຸບັນ,ການທະນາຄານຂອງຈີນໝູນເດີນຢ່າງໝັ້ນທ່ຽງ,ແຕ່ຍັງປະເຊີນກັບບັນຫາຕ່າງໆ,ເຊັ່ນອົງປະກອບເສດຖະກິດບໍ່ສົມເຫດສົມຜົນ ລາຍຮັບລາຍຈ່າຍສາກົນບໍ່ດຸນດຽງແລະອື່ນໆ.ໃນຕໍ່ໜ້າຄວນສືບຕໍ່ເພີ່ມຄວາມຕ້ອງການບໍລິໂພກຢູ່ພາຍໃນປະເທດ,ຄວບຄຸມການລົງທຶນໃຫ້ເພີ່ມຂຶ້ນຢ່າງສົມເຫດສົມຜົນ,ພະຍາຍາມປັບປຸງອົງປະກອບການລົງທຶນໃຫ້ດີ.ພ້ອມທັງສຸມກຳລັງປັບປຸງອົງປະກອບເສດຖະກິດແລະຫັນປ່ຽນຮູບແບບເຕີບໂຕຂອງເສດຖະກິດ,ຊຸກຍູ້ໃຫ້ລາຍຮັບລາຍຈ່າຍສາກົນດຸນດຽງກັນໂດຍພື້ນຖານ.
|
|
