|
ໂຄງການຊ່ອຍເຫືຼອປະເທດປະສົບໄພຄຶ້ນຊູນາມີທີ່ລັດຖະບານຈີນຮັບປາກໄດ້ສຳເລັດສ່ວນໃຫຍ່ແລ້ວ
cri
ຕາມຂ່າວສານຊິນຮວາ: ວັນທີ 26 ທັນວານີ້,ຢູ່ປັກກິ່ງ,ໃນເວລາຕອບຄຳຖາມຂອງນັກຂ່າວກ່ຽວກັບສະພາບທີ່ລັດຖະບານຈີນປະຕິບັດການຊ່ອຍເຫືຼອປະເທດທີ່ປະສົບໄພຄື້ນຊູນາມີມະຫາສະໝຸດອິນເດຍ,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ພາຍກລັງເກີດໄພຄຶ້ນຊູນາມີມະຫາສະໝຸດອິນເດຍເມື່ອປີ 2004 ແລ້ວ,ລັດຖະບານຈີນໄດ້ປະກາດສາມເທື່ອຕາມໆກັນວ່າ ຈະສະໜອງການຊ່ອຍເຫືຼອເປັນມູນຄ່າ 680 ລ້ານຢວນ,ເຊິ່ງເປັນການຊ່ອຍເຫືຼອຕ່າງປະເທດຫລາຍກວ່າທຸກເທື່ອແຕ່ສ້າງຕັ້ງສາທາລະນະລັດປະຊາຊົນຈີນມານີ້.ປະຈຸບັນ,ລັດຖະບານຈີນໄດ້ຈັດວາງເງິນຊ່ອຍເຫືຼອຮຽບຮ້ອຍໝົດແລ້ວ,ໂຄງການຊ່ອຍເຫືຼອປະເພດຕ່າງໆທີ່ຮັບປາກນັ້ນສ່ວນໃຫຍ່ກໍ່ສຳເລັດແລ້ວ.
ທ່ານຊິນກ່າງກ່າວວ່າ,ລັດຖະບານຈີນຈະສືບຕໍ່ພ້ອມກັນກັບປະເທດທີ່ກ່ຽວຂ້ອງ,ຈັດຕັ້ງປະຕິບັດໂຄງການທີ່ພວມສ້າງຢູ່ນັ້ນໃຫ້ດີ,ສະໜອງການຊ່ອຍເຫືຼອແກ່ປະເທດແລະປະຊາຊົນທີ່ປະສົບໄພໃນການສ້າງສາຄືນໃໝ່.ນອກນີ້,ມີຂ່າວແຈ້ງວ່າ,ມື້ດຽວກັນ,ໄທໄດ້ຈັດກິດຈະກຳຕ່າງໆຢູ່ຈັງຫວັດຕ່າງໆທາງພາກໃຕ້,ໄວ້ອາໄລຜູ້ເສຍຊີວິດໃນຄຶ້ນຊູນາມີມະຫາສະໝຸດອິນເດຍເມື່ອສອງປີກ່ອນ.
|
|
