|
ປີນີ້ ຈີນໄດ້ຄວບຄຸມທ່ວງທ່າແຜ່ລາມຂອງຢາເສບຕິດໃນດ້ານກວມລວມ
cri
ຕາມຂ່າວcri:ວັນທີ 26 ທັນວານີ້,ຢູ່ປັກກິ່ງ,ທ່ານຫລີວເຢ້ຈິ້ນ ຮອງຫົວໜ້າກົມຕ້ານຢາເສບຕິດກະຊວງປ້ອງກັນຄວາມສະຫງົບຈີນກ່າວວ່າ,ປີນີ້,ອົງການປ້ອງກັນຄວາມສະຫງົບຈີນໄດ້ຖືການສະກັດກັ້ນແຫ່ຼງຢາເສບຕິດ ຫລຸດການສະໜອງຢາເສບຕິດເປັນເປົ້າໝາຍ,ເພີ່ມທະວີວຽກງານປະຕິບັດກົດໝາຍຕ້ານຢາເສບຕິດຢ່າງຮອບດ້ານ,ໃນ 11 ເດືອນທຳອິດ,ທົ່ວປະເທດຈີນໄດ້ມ້າງຄະດີຢາເສບຕິດລວມ 3 ໝື່ນ 6 ພັນກວ່າຄະດີ,ຍຶດໄດ້ເຮໂລອິນ ຢາຝິ່ນ ຢາບ້າ 1 ແສນ 1 ໝື່ນກວ່າໂຕນ.
ປີນີ້,ອົງການປ້ອງກັນຄວາມສະຫງົບຈີນຍັງຕັ້ງໜ້າເພີ່ມທະວີການຮ່ວມມືກັບປະເທດອ້ອມຂ້າງປະຕິບັດກົດໝາຍຕ້ານຢາເສບຕິດ,ຮ່ວມກັນຈັບຕົວຫົວໂປ່ທີ່ຄ້າຢາເສບຕິດເຂົ້າຈີນຢູ່ຕ່າງປະເທດ 36 ຄົນ,ໄດ້ນາບຂູ່ອິດທິກຳລັງຄ້າຢາເສບຕິດຢູ່ຈີນແລະຕ່າງປະເທດຢ່າງໃຫຍ່.ວັນທີ 19 ທັນວານີ້,ອົງການປ້ອງກັນຄວາມສະຫງົບຈີນກັບກົມຕ້ານຢາເສບຕິດຟິລິປິນໄດ້ຮ່ວມກັນມ້າງຄະດີຜະລິດແລະຄ້າຢາເສບຕິດຂ້າມຊາດໃຫຍ່ພິລຶກຄະດີໜຶ່ງ,ຍຶດໄດ້ຢາບ້າສຳເລັດຮູບແລະເຄິ່ງສຳເລັດຮູບປະມານ 350 ກິໂລ,ເງິນຄ້າຂາຍຢາເສບຕິດ 3 ລ້ານ 2 ແສນຢວນ.
|
|
