|
|
 |
| (GMT+08:00)
2006-12-26 17:08:08
|
 |
|
ຈີນສົ່ງເສີມທຶນປະເພດຕ່າງໆເຂົ້າສູ່ຕະຫລາດການທະນາຄານຊົນນະບົດ
cri
ຕາມຂ່າວcri: ວັນທີ 26 ທັນວານີ້,ໃນເວລາເຂົ້າຮ່ວມກອງປະຊຸມເວທີປຶກສາຫາລືການທະນາຄານຈີນປີ 2006ທີ່ຈັດຢູ່ປັກກິ່ງ,ທ່ານຫລີວໝິງຄາງ ປະທານຄະນະກຳມະການຕິດຕາມຄຸ້ມຄອງການທະນາຄານຈີນກ່າວວ່າ,ຈີນສົ່ງເສີມທຶນປະເພດຕ່າງໆລວມທັງທຶນເອກະຊົນແລະທຶນຕ່າງປະທດເຂົ້າສູ່ຕະຫລາດການທະນາຄານຊົນນະບົດ,ຮ່ວມກັນຍົກສູງ ລະດັບບໍລິການການທະນາຄານຊົນນະບົດຈີນ.
ທ່ານເວົ້າວ່າ,ຈີນຈະຕັ້ງໜ້າສະໜັບສະໜູນແລະຊັກນຳທຶນຂອງທະນາຄານຈີນແລະຕ່າງປະເທດແລະທຶນປະຊາຊົນເປັນຕົ້ນໄປສ້າງທະນາຄານປະເພດຕ່າງໆຢູ່ຊົນນະບົດຈີນ;ຫລຸດທຶນຈົດທະບຽນສ້າງທະນາຄານຢູ່ຊົນນະບົດ;ເປີດກວ້າງຂອບເຂດທຸລະກິດຂອງທະນາຄານຢູ່ຊົນນະບົດ.
ທ່ານຫລີວໝິງຄາງຍັງກ່າວວ່າ,ຄວນຜ່ານຈາກການບູລະນະກົດໝາຍກົດບັນຍັດແລະປັບປຸງນະໂຍບາຍທີ່ກ່ຽວຂ້ອງມາປົວແປງສະພາບແວດລ້ອມພັດທະນາການທະນາຄານຢູ່ຊົນນະບົດ,ໃນນັ້ນລວມທັງປະຕິບັດນະໂຍບາຍພິເສດໃນດ້ານເກັບອາກອນຕໍ່ອົງການການທະນາຄານຢູ່ຊົນນະບົດພ້ອມດ້ວຍປ່ອຍອັດຕາດອກເບັ້ຍເງິນກູ້ຢູ່ຊົນນະບົດແລະອື່ນໆ.
ທ່ານຊ້ຽງຈຸ້ນໂປ່ ຮອງຜູ້ວ່າການທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນກໍ່ກ່າວໃນກອງປະຊຸມເວທີປຶກສາຫາລືວ່າ,ຈີນຈະສະໜອງການສະໜັບສະໜູນຫລາຍກວ່າເກົ່າແກ່ຊາວກະສິກອນຢູ່ເຂດດ້ອຍພັດທະນາຂອງູພາກກາງແລະພາກຕາເວັນຕົກພ້ອມດ້ວຍຊຸມຊົນດ້ອຍໂອກາດລວມທັງຜູ້ຕົກງານຜູ້ຫວ່າງງານ.
|
|
|
