|
ການຂະຫຍາຍຕົວແຫ່ງການພົວພັນລະຫວ່າງສອງຝັ່ງໃນຫຼາຍປີມານີ້ແມ່ນໝາກຜົນແຫ່ງຄວາມພະຍາຍາມຮ່ວມຂອງພີ່ນ້ອງຮ່ວມຊາດຢູ່ສອງຝັ່ງຊ່ອງແຄບ
cri
Author: da
ຕາມຂ່າວCRI: ວັນທີ 27 ທັນວານີ້ ຢູ່ປັກກິ່ງ ທ່ານຫຼີເວີຍອີ່ ໂຄສົກຫ້ອງການວຽກງານໄຕ້ຫວັນລັດຖະບານຈີນກ່າວວ່າ,ໝາກຜົນທີ່ຍາດມາໄດ້ໃນການແລກປ່ຽນແລະການຮ່ວມມືລະຫວ່າງສອງຝັ່ງໃນຫຼາຍປີມານີ້ ແມ່ນຍ້ອນພີ່ນ້ອງຮ່ວມຊາດສອງຝັ່ງທັບມ້າງການທຳລາຍແລະການຂີດຂວາງຂອງອິດທິກຳລັງຕັດແຍກໄຕ້ຫວັນອອກເປັນເອກະລາດແລະພ້ອມກັນພະຍາຍາມບົນພື້ນຖານການຂະຫຍາຍຕົວແຫ່ງການພົວພັນລະຫວ່າງສອງຝັ່ງທີ່ຜ່ານມາ.
ຫວ່າງມໍ່ໆນີ້ ສື່ມວນຊົນໄຕ້ຫວັນລາຍງານວ່າ,ທ່ານເສີນສຸຍປຽນ ຜູ່ນຳເຈົ້າໜ້າທີ່ໄຕ້ຫວັນກ່າວວ່າ,ພາຍຫຼັງລາວຂຶ້ນຮັບຕຳແໜ່ງໃນ 6 ປີມານີ້,ເຖິງວ່າສອງຝັ່ງມີຄວາມເຫັນຂັດກັນຫຼາຍໃນບັນຫາການເມືອງກໍຕາມ,ແຕ່ການພົວພັນລະຫວ່າງສອງຝັ່ງພັດຢູ່ໃນໄລຍະດີທີ່ສຸດໃນຫຼາຍສິບປີມານີ້.
ກ່ຽວກັບເລື່ອງນີ້ ທ່ານຫຼີເວີຍອີ່ວິຈານວ່າ,ໃນ 6 ປີມານີ້,ທ່ານເສີນສຸຍປຽນຍຶດໝັ້ນຫຼັກໝັ້ນຕັດແຍກໄຕ້ຫວັນເປັນເອກະລາດຢ່າງດື້ດ້ານຫົວແຂງ,ກໍ່ການເປັນປໍລະປັກກັນຢູ່ລະຫວ່າງສອງຝັ່ງຢ່າງບໍ່ຢຸດຢັ້ງ,ຕັ້ງແກ້ງສ້າງອຸປະສັກໃຫ້ແກ່ການແລກປ່ຽນລະຫວ່າງສອງຝັ່ງ,ໄດ້ຂີດຂວາງການຂະຫຍາຍຕົວແຫ່ງການພົວພັນລະຫວ່າງສອງຝັ່ງຢ່າງຮຸນແຮງ.ທ່ານຫຼີເວີຍອີ່ກ່າວຢ້ຳວ່າ,ການຮັກແໜ້ນການແລກປ່ຽນແລະການຮ່ວມມືໃນດ້ານຕ່າງໆລະຫວ່າງສອງຝັ່ງ,ບັນລຸໃຫ້ສອງຝັ່ງຕ່າງອຳນວຍຄວາມສະດວກແກ່ກັນແລະຕ່າງຝ່າຍຕ່າງມີຜົນປະໂຫຍດ ຈະເລີນຮຸ່ງເຮືອງພ້ອມກັນ,ນີ້ແມ່ນຄວາມປາຖະໜາແລະການກະທຳຮ່ວມຂອງພີ່ນ້ອງຮ່ວມຊາດສອງຝັ່ງ,ຜູ່ໃດກໍຂີດຂວາງບໍ່ໄດ້.
|
|
