|
ການສ້າງສາເສດຖະກິດຢູ່ເຂດຊົນເຜົ່າສ່ວນໜ້ອຍຈີນໄດ້ພັດທະນາຢ່າງວ່ອງໄວ
cri
ຕາມຂ່າວcri: ວັນທີ 27 ທັນວານີ້,ຢູ່ປັກກິ່ງ,ທ່ານອິສເມວ ອາມັດ ຮອງປະທານສະພາປະຊາຊົນແຫ່ງຊາດຈີນກ່າວວ່າ,ໃນ 5 ປີຜ່ານມາ,ຍອດມູນຄ່າຜະລິດຕະພັນພາຍໃນປະເທດຂອງເຂດຊົນເຜົ່າປົກຄອງຕົນເອງຂອງຈີນໄດ້ເພີ່ມຂຶ້ນ 74%,ການສ້າງສາເສດຖະກິດຢູ່ເຂດຊົນເຜົ່າສ່ວນໜ້ອຍໄດ້ພັດທະນາຢ່າງວ່ອງໄວ.
ໃນເວລາລາຍງານຕໍ່ຄະນະປະຈຳສະພາປະຊາຊົນແຫ່ງຊາດຈີນ,ທ່ານອິສເມວ ອາມັດເວົ້າວ່າ,ໃນ 5 ປີຜ່ານມາ,ແຕ່ລະປີ,ຍອດມູນຄ່າຜະລິດຕະພັນພາຍໃນປະເທດຂອງເຂດຊົນເຜົ່າສ່ວນໃຫຍ່ໄດ້ເຕີບໂຕດ້ວຍຈັງຫວະສອງຕົວເລກ,ສູງກວ່າລະດັບເຕີບໂຕສະເລ່ຍຂອງຈີນ;ລາຍໄດ້ສະເລ່ຍຕາມຫົວຄົນຂອງຄົນຊົນນະບົດຢູ່ເຂດຊົນເຜົ່າສ່ວນໜ້ອຍໄດ້ເພີ່ມຂຶ້ນຢ່າງຫລວງຫລາຍ,ປະຊາກອນຜູ້ທຸກຍາກໄດ້ຫລຸດລົງ 5 ລ້ານກວ່າຄົນ.ນອກນີ້,ພື້ນຖານໂຄງລ່າງຢູ່ເຂດຊົນເຜົ່າເຊັ່ນຊົນລະປະທານ ທາງ ຫລວງ ໂທລະຄົມເປັນຕົ້ນກໍ່ໄດ້ຮັບການປົວແປງ.
|
|
