|
|
 |
| (GMT+08:00)
2006-12-27 20:23:58
|
 |
|
ຈີນຍິນດີພ້ອມກັນກັບລາວຊອກຫາຮູບການໃໝ່ແຫ່ງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຢ່າງບໍ່ຢຸດຢັ້ງ
cri
Author: da
ຕາມຂ່າວCRI:ວັນທີ 27 ທັນວານີ້ ຢູ່ປັກກິ່ງ ທ່ານເຈີ່ນຊິ້ງຮົງ ຮອງປະທານປະເທດຈີນກ່າວວ່າ,ຈີນຍິນດີພ້ອມກັນກັບລາວຊອກຫາຮູບການໃໝ່,ແລະເພີ່ມເຕີມເນື້ອໃນໃໝ່,ແຫ່ງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດຢ່າງບໍ່ຢຸດຢັ້ງ,ຊຸກຍູ້ໃຫ້ການພົວພັນລະຫວ່າງຈີນລາວຂະຫຍາຍຕົວຢ່າງຮອບດ້ານ ປອດໃສແລະໝັ້ນທ່ຽງ.
ໃນເວລາພົບປະທ່ານທອງລຸນ ສີສຸລິດ ຮອງນາຍົກລັດຖະມົນຕີລາວ,ທ່ານເຈີ່ນຊິ້ງຮົງເວົ້າວ່າ,ປີ2006 ແມ່ນຈີນລາວສ້າງສາຍສຳພັນການທູດຄົບຮອບ 45 ປີ,ປະມຸກລັດທັງສອງປະເທດຢ້ຽມຢາມເຊິ່ງກັນແລະກັນຢ່າງສຳເລັດຜົນ,ໄດ້ກ້າວເຖິງຂັ້ນມີຄວາມຮັບຮູ້ຄືກັນທີ່ສຳຄັນກ່ຽວກັບການຂະຫຍາຍການພົວພັນໄມຕີຈິດແລະຮ່ວມມືຮອບດ້ານລະຫວ່າງສອງພັກສອງລັດກ້າວຂຶ້ນສູ່ລວງເລິກຕື່ມອີກ.ຈີນຍິນດີພ້ອມກັນກັບລາວ ພະຍາຍາມປະຕິບັດຕາມຄວາມຮັບຮູ້ຄືກັນທີ່ຜູ່ນຳສອງປະເທດຕົກລົງກັນໃຫ້ດີ,ຕັ້ງໜ້າຮັກສາມູນເຊື້ອຢ້ຽມຢາມກັນຂອງຜູ່ນຳຊັ້ນສູງ,ເພີ່ມທະວີການແລກປ່ຽນແລະການຮ່ວມມືໃນຂົງເຂດເສດຖະກິດ ການສຶກສາແລະຂົງເຂດອື່ນໆຕື່ມອີກ,ສືບຕໍ່ເພີ່ມທະວີການສະໜັບສະໜູນແລະສົມທົບກັນຢ່າງແໜ້ນແຟ້ນໃນວຽກງານສາກົນແລະພາກພື້ນ.
ທ່ານທອງລຸນ ສີສະລິດກ່າວວ່າ,ພັກແລະລັດຖະບານລາວຍິນດີອອກແຮງຮ່ວມມືກັບຈີນ,ປະຕິບັດຕາມຄວາມຮັບຮູ້ຄືກັນຕ່າງໆກ່ຽວກັບການຂະຫຍາຍການພົວພັນລະຫວ່າງສອງຝ່າຍຢ່າງຮອບດ້ານທີ່ຜູ່ນຳສອງປະເທດຕົກລົງ,ຊຸກຍູ້ໄມຕີຈິດທີ່ມີມູນເຊື້ອລະຫວ່າງລາວຈີນໄດ້ຮັບການເສີມຂະຫຍາຍກວ້າງອອກຕໍ່ໄປໃນໄລຍະໃໝ່.
|
|
|
