|
|
 |
| (GMT+08:00)
2006-12-28 18:42:52
|
 |
|
ຈີນຈະອອກແຮງພັດທະນາວິທະຍາສາດອ່ອນ
cri
ຕາມຂ່າວcri:ວັນທີ 28 ທັນວານີ້,ຜູ່ປັກກິ່ງ,ນາງເສີນຈື້ລີ້ ທີ່ປຶກສາແຫ່ງລັດຈີນກ່າວວ່າ,ຈີນຈະໃຊ້ມາດຕະການ,ສ້າງສະພາບແວດລ້ອມອັນດີງາມແກ່ການພັດທະນາວຽກງານຄົ້ນຄ້ວາວິທະຍາສາດອ່ອນໃຫ້ຈະເລີນຕື່ມອີກ.
ວິທະຍາສາດອ່ອນແມ່ນຂະແໜງວິຊາສັງລວມທີ່ພັດທະນາໃໝ່.ມັນແມ່ນນຳໃຊ້ທິດສະດີແລະວິທີຂອງວິທະຍາສາດທຳມະຊາດແລະວິທະຍາສາດສັງຄົມໂດຍສັງລວມມາຄົ້ນຄວ້າການພົວພັນໃນຕົວພ້ອມດ້ວຍກົດເກນພັດທະນາລະຫວ່າງຂອດສັງຄົມຕ່າງໆເຊັ່ນເສດຖະກິດ ວິທະຍາສາດ ເຕັກນິກແລະການສຶກສາເປັນຕົ້ນ,ເພື່ອແກ້ໄຂປະກົດການແລະບັນຫາສັງຄົມທີ່ສັນສົນຕ່າງໆນາໆຍ້ອນການພັດທະນາຂອງ ວິທະຍາສາດແລະເຕັກນິກໃນຍຸກສະໄໝໃໝ່.
ໃນກອງປະຊຸມສົນທະນາທີ່ຈັດຂຶ້ນໃນມື້ດຽວກັນ,ນາງເສີນຈື້ລີ້ຊີ້ອອກວ່າ,ລະດັບພັດທະນາວິທະຍາສາດອ່ອນຂອງຈີນຍັງຜິດໂຕນກັນຫລາຍເມື່ອທຽບກັບປະເທດທີ່ພັດທະນາແລ້ວ.ໃນຕໍ່ໜ້າ,ລັດຖະບານຈີນຈະເພີ່ມການລົງທຶນໃສ່ໂຄງການຄົ້ນຄວ້າວິທະຍາສາດອ່ອນ,ພະຍາຍາມສ້າງບັນຍາກາດວິຊາການທີ່ອຳນວຍໃຫ້ແກ່ການພັດທະນາວິທະຍາສາດອ່ອນ.
ຕາມສະຖິຕິທີ່ຍັງບໍ່ທັນຄົບຖ້ວນ,ປະຈຸບັນ,ຈີນມີອົງການຄົ້ນຄວ້າວິທະຍາສາດອ່ອນເກືອບສອງພັນແຫ່ງ,ມີພະນັກງານຄົ້ນຄ້ວາເກືອບ 4 ໝື່ນຄົນ,ແຕ່ລະປີດຳເນີນໂຄງການຄົ້ນຄ້ວາວິທະຍາສາດອ່ອນໜຶ່ງໝື່ນໂຄງການ.
|
|
|
