|
|
 |
| (GMT+08:00)
2006-12-28 18:47:58
|
 |
|
ຊາວກະສິກອນຈີນເກືອບເຄິ່ງໜຶ່ງໄດ້ເຂົ້າຮ່ວມການຮ່ວມມືປິ່ນປົວແບບໃໝ່ຊົນນະບົດ
cri
ຕາມຂ່າວສານຊິນຮວາ: ນັບມາຮອດເດືອນກັນຍາປີ 2006,ຊາວກະສິກອນຈີນທີ່ເຂົ້າຮ່ວມການຮ່ວມມືປິ່ນປົວແບບໃໝ່ຊົນນະບົດໄດ້ລື່ນກາຍ 400 ລ້ານຄົນ,ກວມປະຊາກອນຊົນນະບົດທົ່ວປະເທດຈີນຫລາຍກວ່າ 45%.
ໃນກອງປະຊຸມກ່ຽວກັບວຽກງານການເງິນແລະການປະກັນສັງຄົມທົ່ວປະເທດທີ່ພວມດຳເນີນຢູ່ນະຄອນຫາຍໂຂວ ພາກໃຕ້ຂອງຈີນ,ຜູ້ຮັບຜິດຊອບກົມປະກັນສັງຄົມກະຊວງການເງິນຈີນແນະນຳວ່າ,ປະຈຸບັນ,ການຮ່ວມມືປິ່ນປົວແບບໃໝ່ຊົນນະບົດຂອງນະຄອນປັກກິ່ງ ນະຄອນຊຽງໄຮ້ ແຂວງຈ່ຽງຊູ ແຂວງເຈິຈ່ຽງ ແຂວງກວາງຕຸ້ງ ແຂວງຊິງຫາຍແລະແຂວງໄຫຫລຳເປັນຕົ້ນໄດ້ກວມໝົດທຸກເມືອງແລ້ວ.ປີ 2006, ການເງິນສູນກາງໄດ້ເກື້ອກູນການຮ່ວມມືປິ່ນປົວແບບໃໝ່ຊົນນະບົດມີຫລາຍເຖິງ 4 ຕື້ 200 ລ້ານຢວນ,ເກືອບເປັນ 8 ເທົ່າຂອງທຶນເກື້ອກູນໃນປີ 2005.ການເງິນທ້ອງຖິ່ນກໍ່ເພີ່ມຄ່າເກື້ອກູນຂຶ້ນໂດຍທົ່ວໄປ.
ຄຽງຄູ່ກັບຂອບເຂດເປີດກວ້າງອອກແລະລະດັບເກື້ອກູນດ້ານການເງິນໄດ້ເພີ່ມຂຶ້ນ,ຊາວກະສິກອນກໍ່ໄດ້ຮັບຜົນປະໂຫຍດໃນຂອບເຂດກວ້າງແລະມີລະດັບສູງກວ່າເກົ່າ.ແຕ່ເດືອນມັງກອນຮອດ ເດືອນກັນຍາປີນີ້,ກອງທຶນການຮ່ວມມືປິ່ນປົວແບບໃໝ່ຊົນນະບົດເຮັດໃຫ້ 140 ລ້ານເທື່ອຄົນໄດ້ຮັບຜົນປະໂຫຍດ.
|
|
|
