|
|
 |
| (GMT+08:00)
2006-12-28 21:05:23
|
 |
|
ຈີນຈະເລັ່ງລັດພັດທະນາການຄ້າທາງບໍລິການ
cri
ຕາມຂ່າວCRI,ວັນທີ28ທັນວານີ້,ຢູ່ທີ່ປັກກິ່ງ,ເຈົ້າໜ້າທີ່ກະຊວງການຄ້າຈີນກ່າວວ່າ,ຈີນຈະໃຊ້ມາດຕະການເລັ່ງລັດພັດທະນາການຄ້າທາງບໍລິການ,ເພື່ອບັນລຸເປົ້າໝາຍທີ່ເຮັດໃຫ້ຍອດມູນຄ່າຂາອອກຂາເຂົ້າຂອງການຄ້າທາງບໍລິການໃນປີ2010ບັນລຸເຖິງ400ຕື້ໂດລາ.
ວັນທີ28ທັນວານີ້,ກະຊວງການຄ້າຈີນໄດ້ເຜີຍແຜ່ບົດລາຍງານສະພາບການພັດທະນາການຄ້າທາງບໍລິການຈີນ.ໃນ ບົດລາຍງານສະບັບນີ້ໄດ້ແຍກພາກສ່ວນບໍລິການຂອງລັດຖະບານອອກເປັນເທື່ອທຳອິດໂດຍອີງຕາມມາດຖານຂອງອົງການການຄ້າໂລກ.ສະຖິຕິສະແດງໃຫ້ເຫັນວ່າ,ຍອດມູນຄ່າຂາອອກຂາເຂົ້າຂອງການຄ້າທາງບໍລິການ ຈີນໃນປີ2005ແມ່ນ157ຕື້ໂດລາ.
ເຈົ້າໜ້າທີ່ກະຊວງການຄ້າຈີນກ່າວວ່າ,ປັດຈຸບັນ,ການຄ້າທາງບໍລິການໃນຂົງເຂດການຂົນສົ່ງແລະການທ່ອງທ່ຽວຍັງກວມອັດຕາຫຼາຍສົມຄວນ,ແລະສ່ວນຫຼາຍຢູ່ເຂດພັດທະນາເຊັ່ນເຂດແຄມທະເລເປັນຕົ້ນ.ສະນັ້ນ,ຈີນຈະຕັ້ງໜ້າຊຸກຍູ້ການພັດທະນາການຄ້າທາງບໍລິການໃນຂົງເຂດຕ່າງໆເຊັ່ນການທະນາຄານ,ເຕັກໂນໂລຊີຂໍ້ມູນຂ່າວສານແລະອື່ນໆ,ພ້ອມທັງບູລະນະລະບົບກົດໝາຍກົດລະບຽບກ່ຽວກັບການຄ້າທາງບໍລິການໃຫ້ສົມບູນຂຶ້ນ,ຍຶດໝັ້ນການໄຂປະຕູສູ່ພາຍນອກຂອງຂົງເຂດການຄ້າທາງບໍລິການ.
|
|
|
