|
ປີ2007ການລົງທຶນໂດຍກົງຂອງຕ່າງປະເທດຢູ່ຈີນຈະເພີ່ມຂຶ້ນຢ່າງໝັ້ນທ່ຽງ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ໃນບົດລາຍງານຄົ້ນຄວ້າສະບັບໜຶ່ງ,ສູນຄົ້ນຄວ້າແລະຄາດຄະເນຂອງສະພາບັນດິດວິທະຍາສາດຈີນຄາດຄະເນວ່າ,ປີ2007,ການລົງທຶນໂດຍກົງຂອງຕ່າງປະເທດຫຼືFDIທີ່ຈີນນຳໃຊ້ ຕົວຈິງນັ້ນຈະຫຼາຍກວ່າ63ຕື້800ລ້ານໂດລາ,ເພີ່ມຂຶ້ນປະມານ4%ເມື່ອທ່ຽບໃສ່ປີ2006.
ບົດລາຍງານດັ່ງກາວຍັງໄດ້ວິເຄາະອົງປະກອບຂະແໜງການແລະແຫຼ່ງທຶນຂອງFDIທີ່ໄຫຼເຂົ້າສູ່ຈີນໃນປີ2007,ໄດ້ຊີ້ອອກບັນຫາທີ່ຈີນຕ້ອງເອົາໃຈໃສ່ໃນເວລານຳໃຊ້ທຶນຕ່າງປະເທດ,ແລະສະເໜີໃຫ້ປັບປຸງນະໂຍບາຍດຶງດູດທຶນຕ່າງປະເທດໃນປັດຈຸບັນໃຫ້ພໍດ້າມພໍດີ,ເພື່ອໃຫ້ທຶນຕ່າງປະເທດເສີມຂະຫຍາຍບົດບາດໃຫ້ດີກວ່າເກົ່າໃນການຊຸກຍູ້ເສດຖະກິດຈີນຫັນປ່ຽນຮູບການເຕີບໂຕແລະປັບປຸງອົງປະກອບອຸດສາຫະກຳໃຫ້ດີຂຶ້ນ.
ຕາມສະຖິຕິຂອງກະຊວງການຄ້າຈີນ,ແຕ່ເດືອນມັງກອນຮອດເດືອນພະຈິກປີ2006,ທຶນຕ່າງປະເທດທີ່ຈີນນຳໃຊ້ ຕົວຈິງຫຼາຍກວ່າ54ຕື້200ລ້ານໂດລາ,ເຊິ່ງໄດ້ເພີ່ມຂຶ້ນຫຼາຍກວ່າໄລຍະດຽວກັນຂອງປີ2005,ຄຸນນະພາບແລະລະດັບການນຳໃຊ້ທຶນຕ່າງປະເທດໄດ້ສູງຂຶ້ນ.
|
|
