|
|
 |
| (GMT+08:00)
2007-01-03 20:48:32
|
 |
|
ວຽກງານກຽມຍົກລະດັບຄວາມໄວຂອງລົດໄຟຄັ້ງທີ6ຂອງຈີນໄດ້ເຂົ້າສູ່ໄລຍະສຸດທ້າຍ
cri
ຕາມຂ່າວສານຊິນຮວາ,ຜູ່ຮັບຜິດຊອບທີ່ກ່ຽວຂ້ອງຂອງກະຊວງທາງລົດໄຟຈີນກ່າວວ່າ,ຈີນຈະຍົກລະດັບຄວາມໄວຂອງລົດໄຟຄັ້ງທີ6ໃນວັນທີ18ເມສາປີ2007,ຄວາມໄວສູງສຸດຂອງລົດໄຟຈະຫຼາຍກວ່າ200ກິໂລແມັດຕໍ່ຊົ່ວໂມງ.ປັດຈຸບັນ,ວຽກງານກະກຽມໄດ້ເຂົ້າສູ່ໄລຍະສຸດທ້າຍ,ພວມຂ້ຽວເລັ່ງສຳເລັດວຽກງານສຸດທ້າຍຂອງພື້ນຖານໂຄງລ່າງ,ປັບປຸງແຜນທີ່ແລ່ນລົດສະບັບໃໝ່ໃຫ້ດີຂຶ້ນຕື່ມອີກ.
ນັບແຕ່ປີ1997ມານີ້,ຈີນໄດ້ຍົກລະດັບຄວາມໄວຂອງລົດໄຟ5ເທື່ອໃນຂອບເຂດກວ້າງຂວາງ,ເຮັດໃຫ້ຄວາມໄວສູງສຸດຂອງລົດໄຟບັນລຸເຖິງ160ກິໂລແມັດຕໍ່ຊົ່ວໂມງ.ເມື່ອຍົກລະດັບຄວາມໄວອີກເທື່ອໜຶ່ງແລ້ວ,ຄວາມຍາວທັງໝົດຂອງໄລຍະທາງລົດໄຟທີ່ແລ່ນລົດດ້ວຍຄວາມໄວ120ກິໂລແມັດຕໍ່ຊົ່ວໂມງນັ້ນຈະເພີ່ມຂຶ້ນຮອດ2ໝື່ນກວ່າກິໂລແມັດ,ໃນນັ້ນ,ຄວາມຍາວທັງໝົດຂອງໄລຍະທາງລົດໄຟທີ່ແລ່ນລົດດ້ວຍຄວາມໄວຫຼາຍກວ່າ200ກິໂລແມັດຕໍ່ຊົ່ວໂມງນັ້ນຈະມີເຖິງ6000ກວ່າກິໂລແມັດ.ເມື່ອຮອດເວລານັ້ນ,ຄວາມສາມາດຂົນສົ່ງຜູ່ໂດຍສານແລະສິນຄ້າຂອງທາງລົດໄຟທົ່ວປະເທດຈີນຈະເພີ່ມຂຶ້ນຢ່າງຫຼວງຫຼາຍ.
|
|
|
