ຕາມ​ຂ່າວ​CRI:ວັນ​ທີ4​ມັງກອນ,​​ໃນ​ກອງ​ປະຊຸມ​ຂ່າວ,ທ່ານ​ລີ​ວຈ້ຽນຊ່າວ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ເວົ້າ​ວ່າ,​ຈີນ​ຕັ້ງຫຼັກ​ໝາຍ​ທີ່​​ຢູ່​ຈຸດ​ພື້ນ​ຖານ​ນ່າມທະ​ເລໝູ່​ເກາະ​ຊີ່​ຊາ​ແມ່ນວຽກ​ພາຍ​ໃນ​ຂອບ​ເຂດ​ອະທິປະ​ໄຕ​ຂອງ​ຈີນ​ທັງ​ນັ້ນ,ປະ​ເທດ​ອື່ນ​ບໍ່​ມີ​ສິດ​ແຊກ​ແຊງ.

ມີ​ນັກ​ຂ່າວ​ຖາມ​ວ່າ,ຫວ່າງ​ມໍ່ໆ​ນີ້,ຫວຽດ​ນາມ​ຕິຕຽນ​ທີ່ຈີນ​ຕັ້ງ​ຫຼັກ​ຢູ່​ຈຸດ​ພື້ນຖານ​ນ່າມທະ​ເລ​ສ່ວນ​ໜຶ່ງ​ຂອງ​ໝູ່​ເກາະ​ຊີ່​ຊ່າ​ໄດ້ລ່ວງ​ລ້ຳອະ​ທິປະ​ໄຕ​ຂອງຫວ​ຽດນາມ​ແມ່ນ​ບໍ່​ມີ​ຜົນ​ສັກ​ສິດ.ກ່ຽວ​ກັບ​ເລື່ອງ​ນີ້,ຝ່າຍ​ຈີນມີ​ຄຳ​ວິຈານ​​ແນວ​ໃດ?

ທ່ານ​ລີ​ວຈ້ຽນຊ່າວ​ເວົ້າ​ວ່າ,ຈີນ​ມີອະທິປະ​ໄຕທີ່​​ໂຕ້​ຖຽງບໍ່​ໄດ້​ຕໍ່ໝູ່​​ເກາະ​ຊີ່​ຊ່າ,ໝູ່​ເກາະ​ນານ​ຊ່າ​ແລະ​ເຂດ​ທະ​ເລມໍ່​,ຝ່າຍ​ຈີນ​ມີຫຼັກ​ຖານ​ດ້ານ​ປະຫວັດ​ສາດ​ແລະ​ດ້ານກົດ​ໝາຍ​ຢ່າງ​ເຕັມ.

ທ່ານ​ເວົ້າ​ວ່າ,ອີງ​ຕາມ"ສົນທິ​ສັນຍາ​ກົດໝາ​ຍ​ທະ​ເລ​ສະຫະ​ປະຊາ​ຊາດ"ປີ1982​ແລະ"ກົດໝາຍ​ນ່າມທະ​ເລ​ແລະ​ເຂດ​ຕິດ​ຕໍ່​ຂອງ​ສາທາ​ລະນະລັດ​ປະຊາຊົນ​ຈີນ"ປີ1992,​​ເມື່ອ​ປີ1996,ລັດ​ຖະບານ​ຈີນ​ໄດ້​ປະກາດ​ຈຸດ​ພື້ນຖານ​ນ່າມທະ​ເລ​ໝູ່​ເກາະ​ຊີ່​ຊ່າ,ທີ່​ຈີນ​ຕັ້ງ​ຫຼັກ​ໝາຍ​ຢູ່​ຈຸດ​ພື້ນ​ຖານນ່າມທະ​ເລໝູ່​ເກາະ​ຊີ່​ຊາ​ແມ່ນ​ວຽກພາຍ​ໃນ​ຂອບ​ເຂດ​ອະທິປະ​ໄຕ​ຂອງ​ຈີນ​ທັງ​ນັ້ນ,ປະ​ເທດ​ອື່ນ​ບໍ່​ມີ​ສິດ​ແຊກ​ແຊງ.