|
|
 |
| (GMT+08:00)
2007-01-09 10:37:07
|
 |
|
ຈີນຈະຫາລືຮ່າງກົດໝາຍສິດສິ່ງຊັບສິນແລະຮ່າງກົດໝາຍອາກອນລາຍໄດ້ຂອງວິສາຫະກິດກ່ອນເວລາກຳນົດ
cri
Author: MO
ຕາມຂ່າວCRI: ວັນທີ 8 ມັງກອນນີ້, ຫ້ອງການຄະນະປະຈຳສະພາປະຊາຊົນແຫ່ງຊາດຈີນປະກາດວ່າ, ຜູ້ແທນສະພາປະຊາຊົນແຫ່ງຊາດຈີນເກືອບ 3 ພັນຄົນຈະຄົ້ນຄວ້າຫາລືຮ່າງກົດໝາຍວ່າດ້ວຍສິດຊັບສິນແລະຮ່າງກົດໝາຍວ່າດ້ວຍອາກອນລາຍໄດ້ຂອງວິສາຫະກິດກ່ອນເວລາກຳນົດ, ເພື່ອສ້າງຄວາມສະດວກໃຫ້ແກ່ພວກເຂົາເຈົ້າກະກຽມໃຫ້ດີເພື່ອເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນທີ່ຈະຈັດຂຶ້ນໃນເດືອນມີນາປີນີ້ ແລະພິຈາລະນາປັບປຸງຮ່າງກົດໝາຍສອງສະບັບນີ້.
ກົດໝາຍວ່າດ້ວຍສິດຊັບສິນແມ່ນກົດໝາຍພື້ນຖານທີ່ມີບົດບາດສູງໃນລະບົບກົດໝາຍຈີນ, ໃນຂະນະທີ່ສ່ອງແສງໃຫ້ເຫັນລະບອບເສດຖະກິດພື້ນຖານຂອງຈີນນັ້ນ, ຮ່າງກົດໝາຍດັ່ງກ່າວໄດ້ເຄົາລົບຫຼັກການທີ່ປົກປ້ອງສິດຊັບສິນສ່ວນລວມແລະສ່ວນຕົວຢ່າງສະເໝີພາບກັນ. ນອກນັ້ນ, ອີງຕາມຮ່າງກົດໝາຍວ່າດ້ວຍອາກອນລາຍໄດ້ຂອງວິສາຫະກິດ, ຈີນຈະຢຸດຕິການກະທຳໃນເມື່ອກ່ອນທີ່ເກັບອາກອນລາຍໄດ້ຈາກວິສາຫະກິດຈີນແລະວິສາຫະກິດຕ່າງປະເທດຕາມອັດຕາອາກອນທີ່ຕ່າງກັນ, ແລ້ວເກັບອາກອນລາຍໄດ້ດັ່ງກ່າວຢ່າງເປັນເອກະພາບກັນຕາມອັດຕາໃໝ່ຄື 25%.
|
|
|
