|
ກົມປ່າໄມ້ແຫ່ງຊາດຈີນກ່າວວ່າ,ຂະແໜງການຄຸ້ມຄອງທີ່ກ່ຽວຂ້ອງຂອງໄຕ້ຫວັນຄວນອະນຸຍາດໃຫ້ໝີແພນດາເຂົ້າເກາະໄຕ້ຫວັນ
cri
Author: da
ຕາມຂ່າວCRI:ວັນທີ 10 ມັງກອນນີ້ ທ່ານຊາວຊິງຢາວ ໂຄສົກຂອງກົມປ່າໄມ້ແຫ່ງຊາດຈີນກ່າວວ່າ,ແຜ່ນດິນໃຫຍ່ໄດ້ເຮັດວຽກງານກະກຽມທັງໝົດເພື່ອມອບໝີແພນດາໃຫ້ພີ່ນ້ອງຮ່ວມຊາດໄຕ້ຫວັນ.ປະຈຸບັນຕ້ອງການຂະແໜງການຄຸ້ມຄອງທີ່ກ່ຽວຂ້ອງຂອງໄຕ້ຫວັນຕອບສະໜອງຄວາມປາຖະໜາຂອງພີ່ນ້ອງຮ່ວມຊາດໄຕ້ຫວັນແລະພີ່ນ້ອງຮ່ວມຊາດແຜ່ນດິນໃຫຍ່,ອະນຸຍາດໃຫ້ໝີແພນດາເຂົ້າເກາະດ້ວຍທ່າທີເປີດໃຈກວ່າເກົ່າ.
ເດືອນມັງກອນປີ2006,ກົມປ່າໄມ້ແຫ່ງຊາດໄດ້ຄັດເລືອກແລະປະກາດວ່າແຜ່ນດິນໃຫຍ່ຈະມອບໝີແພນດາຄູ່ໜຶ່ງໃຫ້ໄຕ້ຫວັນ,ປະຈຸບັນ ໝີແພນດາສອງໂຕນີ້,ສຸຂະພາບແຂງແຮງດີ.
ສື່ມວນຊົນໄຕ້ຫວັນລາຍງານວ່າ,ຂະແໜງການຄຸ້ມຄອງຂອງໄຕ້ຫວັນກ່າວວ່າ,ໜ່ວຍງານຂອງໄຕ້ຫວັນທີ່ຮ້ອງຂໍລ້ຽງໝີແພນດາ,ຕ້ອງຈ່າຍທຶນລ້ຽງກ້ອນໃຫຍ່ໃຫ້ແຜ່ນດິນໃຫຍ່.ທ່ານຊາວຊິງຢາວກ່າວວ່າ,ຂ່າວນີ້ບໍ່ມີມູນຄວາມຈິງເລີຍ.ທ່ານກ່າວວ່າ,ແຜ່ນດິນໃຫຍ່ມອບໝີແພນດາຄູ່ໜຶ່ງໃຫ້ໄຕ້ຫວັນແມ່ນການກະທຳທີ່ມີເຈດຕະນາດີແລະເພື່ອສະແດງຄວາມຮັກແພງຕໍ່ພີ່ນ້ອງຮ່ວມຊາດ,ບໍ່ຕ້ອງຈ່າຍເງິນ,ແລະບໍ່ມີເງື່ອນໄຂຫຍັງໝົດ.ແຜ່ນດິນໃຫຍ່ບໍ່ພຽງແຕ່ບໍ່ຢາກໃຫ້ໄຕ້ຫວັນຈ່າຍເງິນຫຍັງທໍ່ນັ້ນ,ຫາກຍັງຈະສະໜອງການຊ່ອຍເຫຼືອຢ່າງບໍ່ຕ້ອງເສຍຄ່າໃນດ້ານການກໍ່ສ້າງບ່ອນລ້ຽງແລະເຕັກນິກລ້ຽງໝີແພນດາໃຫ້ໄຕ້ຫວັນອີກດ້ວຍ.
|
|
