|
|
 |
| (GMT+08:00)
2007-01-11 10:17:20
|
 |
|
ຜູ່ຊ່ຽວຊານເຫັນວ່າການຄ້າດ້ານບໍລິການລະຫວ່າງຈີນກັບອາຊຊຽນຈະເພີ່ມຂຶ້ນຢ່າງຫລວງຫລາຍ
cri
Author: sayvanny
ຕາມຂ່າວສານຊີນຮວາ: ວັນທີ 10 ມັງກອນນີ້,ທ່ານລູ້ຈ້ຽນເຢີນ ຜູ່ຊ່ຽວຊານບັນຫາເສດຖະກິດຈີນອາຊຽນເວົ້າວ່າ, ຖ້າວ່າຈີນກັບອາຊຽນເຊັນສັນຍາຊຸກຍູ້ການຄ້າບໍລິການໃນພາຍຫນ້າ,ການຄ້າດ້ານບໍລິການລະຫວ່າງສອງຝ່າຍກໍ່ມີຫວັງຈະເພີ່ມຂຶ້ນຢ່າງຫລວງຫລາຍ.
ທ່ານລູ້ຈ້ຽນເຢີນແມ່ນກ່າວຄຳເວົ້າດັ່ງກ່າວໃນກອງປະຊຸມສຳມະນາຫວນຄືນການພົວພັນເສດຖະກິດການຄ້າລະຫວ່າງຈີນກັບອາຊຊຽນໃນປີ 2006 ແລະຈ້ອງມອງປີ 2007 ທີ່ຈັດຂຶ້ນຢູ່ປັກກິ່ງໃນວັນທີ 10 ມັງກອນນີ້.
ທ່ານລູ້ຈ້ຽນເຢີນເວົ້າວ່າ, ປັດຈຸບັນ, ຈີນແລະບັນດາປະເທດອາຊຽນຕ່າງມີທ່າແຮງຂອງໃຜລາວໃນດ້ານບໍລິການ.ຕົວຢ່າງຄື:ຈີນມີທ່າແຮງຫລາຍໃນດ້ານບໍລິການຄອມພິວເທີແລະອື່ນໆ,ສ່ວນສິງກະໂປກໍ່ມີທ່າແຮງໃນດ້ານການທະນາຄານ ກົດຫມາຍແລະການບໍລິການຈັດກອງປະຊຸມແລະງານວາງສະແດງເປັນຕົ້ນ.
ທ່ານຄາດວ່າ, ໃນປີ 2007, ການຄ້າລະຫວ່າງຈີນກັບອາຊຽນຈະເພີ່ມຂຶ້ນດ້ວຍຄວາມໄວປະມານ 20%,ແຕ່ອັດຕາເພີ່ມຂຶ້ນຈະຕ່ຳກວ່າປີ 2006 ເລັກຫນ້ອນ.
|
|
|
