|
|
 |
| (GMT+08:00)
2007-01-11 20:39:08
|
 |
|
ຈີນຍິນດີສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເພື່ອແກ້ໄຂບັນຫາຕາເວັນອອກກາງ
cri
ຕາມຂ່າວCRI,ວັນທີ11ມັງກອນນີ້,ຢູ່ທີ່ປັກກິ່ງ,ໃນເວລາພົບປະໂອລົ້ມກັບທ່ານເອຮຸດໂອນເມີດ ນາຍົກລັດຖະມົນຕີອິສຣາແອນ,ທ່ານຫູຈິນທາວ ປະທານປະເທດຈີນກ່າວວ່າ,ຈີນຍິນດີພ້ອມກັນກັບປະຊາຄົມໂລກ,ສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເພື່ອແກ້ໄຂບັນຫາຕາເວັນອອກກາງຢ່າງຮອບດ້ານ ທ່ຽງທຳແລະຖາວອນ.
ເມື່ອກ່າວເຖິງສະຖານະການພາກພື້ນຕາເວັນອອກກາງ,ທ່ານຫູຈິນທາວກ່າວວ່າ,ການ ແກ້ໄຂບັນຫາຕາເວັນອອກກາງໂດຍໄວ,ເຮັດໃຫ້ພາກພື້ນຕາເວັນອອກກາງມີສະຖຽນລະພາບຍາວນານນັ້ນແມ່ນຄວາມປາຖະໜາອັນຮີບດ່ວນຂອງປະຊາຊົນ ປະເທດຕ່າງໆໃນພາກພື້ນແຫ່ງນີ້ແລະກໍແມ່ນຄວາມປາຖະໜາຮ່ວມຂອງປະຊາຄົມໂລກຝ່າຍຈີນຫວັງໃຫ້ຝ່າຍຕ່າງໆທີ່ກ່ຽວຂ້ອງຖືການຢູ່ຮ່ວມກັນໂດຍສັນຕິເປັນເປົ້າໝາຍ,ໃຊ້ວິທີເຈລະຈາ ກັນ,ສືບຕໍ່ທຳຄວາມພະຍາຍາມເພື່ອແກ້ໄຂບັນຫາຕາເວັນອອກກາງໂດຍໄວບົນພື້ນຖານມະຕິທີ່ກ່ຽວຂ້ອງຂອງສະຫະປະຊາຊາດແລະຫຼັກການເອົາທີ່ດິນແລກປ່ຽນສັນຕິພາບ.
ທ່ານໂອນເມີດກ່າວວ່າ,ຝ່າຍອິສຣາແອນຍ້ອງຍໍຝ່າຍຈີນທີ່ຖືຫຼັກໝັ້ນທ່ຽງທຳໃນບັນຫາພາກພື້ນເຊັ່ນບັນຫາຕາເວັນອອກກາງເປັນຕົ້ນ,ຫວັງໃຫ້ຝ່າຍຈີນສືບຕໍ່ພະຍາຍາມຢ່າງຕັ້ງໜ້າເພື່ອຊຸກຍູ້ການແກ້ໄຂບັນຫາທີ່ກ່ຽວຂ້ອງ.
|
|
|
