|
ຜູ້ຊ່ຽວຊ່ານການທະນາຄານເວົ້າວ່າ, ບັນຫາອົງປະກອບຂອງຕະຫຼາດທຶນຈີນຍັງຄອຍຖ້າແກ້ໄຂ
cri
Author: mo
ຕາມຂ່າວCRI: ວັນທີ 13 ມັງກອນ, ຢູ່ທີ່ປັກກິ່ງ, ຜູ້ຊ່ຽວຊານການທະນາຄານທີ່ເຂົ້າຮ່ວມເວທີປາໄສຕະຫຼາດທຶນຈີນຄັ້ງທີ 11 ກ່າວວ່າ, ແຕ່ປີ 2006 ເປັນຕົ້ນມາ, ຕະຫຼາດທຶນຈີນໄດ້ປະກົດມີທ່ວງທ່າຂະຫຍາຍຕົວອັນດີງາມ, ແຕ່ຍັງປະເຊີນບັນຫາອົງປະກອບອັນເລິກເຊິ່ງ.
ຜູ້ຊ່ຽວຊານກ່າວວ່າ, ໃຕ້ສະພາບເບື້ອງຫຼັງທີ່ເສດຖະກິດຈີນເຕີບໂຕຂຶ້ນຢ່າງວ່ອງໄວແລະສືບເນື່ອງ, ຄຽງຄູ່ກັບການປະຕິຮູບການແບ່ງປັນຫຸ້ນສ່ວນໄດ້ສຳເລັດໃນຂັ້ນພື້ນຖານແລະການປົວແປງບໍລິສັດຫຼັກຊັບໂດຍສັງລວມໄດ້ລົງເລິກຢ່າງບໍ່ຢຸດຢັ້ງ, ຕະຫຼາດທຶນຈີນເລີ່ມຍ່າງອອກຈາກສະພາບບໍດີໃນ 5 ປີມານີ້. ນັບມາຮອດທ້າຍປີກາຍນີ້, ຍອດມູນຄ່າຂອງບໍລິສັດເຂດໃນຈີນທີ່ເຂົ້າຕະຫຼາດຫຸ້ນໄດ້ມີເກືອບ 9 ພັນຕື້ຢວນ.
ພ້ອມກັນນັ້ນ, ຜູ້ຊ່ຽວຊານຊີ້ອອກວ່າ, ຕະຫຼາດທຶນຈີນຍັງປະເຊີນບັນຫາອົງປະກອບອັນເລິກເຊິ່ງ, ບັນຫາເຫຼົ່ານີ້ຕົ້ນຕໍລວມທັງ: ມາດຕະສ່ວນການຫ້າງຫາທຶນໂດຍກົງຕ່ຳໂພດ; ຄຸນນະພາບຂອງບໍລິສັດເຂດໃນຈີນທີ່ເຂົ້າຕະຫຼາດຫຸ້ນຍັງມີຄວາມໂຕນກັນກັບບໍລິສັດຕ່າງປະເທດທີ່ເຂົ້າຕະຫຼາດຫຸ້ນ.
|
|
