|
|
 |
| (GMT+08:00)
2007-01-14 11:58:46
|
 |
|
ຈີນໄດ້ໃຊ້ທ່າທີເຄັ່ງຂືມແລະຮັບຜິດຊອບໃນດ້ານການຄ້າອາວຸດຍຸດໂທປະກອນ ຕະຫລອດມາ
cri
ຕາມຂ່າວສານຊິນຮວາ:ໃນເວລາຕອບຄຳຖາມຂອງນັກຂ່າວໃນວັນທີ 14 ມັງກອນ,ທ່ານຫລີວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ, ໃນດ້ານການຄ້າອາວຸດຍຸດໂທປະກອນ,ຈີນໄດ້ໃຊ້ທ່າທີເຄັ່ງຂືມແລະຮັບຜິດຊອບຕະຫລອດມາ.
ມີນັກຂ່າວຖາມວ່າ:ມີຂ່າວແຈ້ງວ່າ,ລັອກແກັດທີ່ຫລອນໂຈມຕີສະຖານທູດອາເມລິກາຢູ່ອາແດນແມ່ນຜະລິດຢູ່ຈີນ,ຝ່າຍຈີນມີຄຳວິຈານແນວໃດຕໍ່ເລື່ອງນີ້?ທ່ານຫລີວຈ້ຽນຊາວເວົ້າ,ຝ່າຍຈີນໄດ້ເອົາໃຈໃສ່ເຖິງການແຈ້ງຂ່າວດັ່ງກ່າວແລ້ວ.ລັດຖະບານຈີນຄັດຄ້ານການຫລອນໂຈມຕີດ້ວຍກຳລັງຮຸນແຮງທີ່ແນໃສ່ອົງການຜູ້ຕາງໜ້າແລະເຈົ້າໜ້າທີ່ການທູດຢ່າງສະເໝີຕົ້ນສະເໝີປາຍ.ກ່ຽວກັບບັນຫາທີ່ນັກຂ່າວຖາມນັ້ນ,ສະພາບລະອຽດຍັງບໍ່ຈະແຈ້ງເທື່ອ,ຝ່າຍຈີນກໍ່ບໍ່ໄດ້ຮັບການແຈ້ງໃຫ້ຊາບຈາກຝ່າຍທີ່ກ່ຽວຂ້ອງ.ແຕ່ສິ່ງທີ່ຕ້ອງຊີ້ອອກນັ້ນແມ່ນ,ໃນດ້ານການຄ້າອາວຸດຍຸດໂທປະກອນ,ຈີນໄດ້ໃຊ້ທ່າທີເຄັ່ງຂືມແລະຮັບຜິດຊອບຕະຫລອດມາ,ຍຶດໝັ້ນຫລັກການທີ່ພຽງແຕ່ຮ່ວມມືດ້ານອາວຸດຍຸດໂທປະກອນກັບປະເທດອະທິປະໄຕໂດຍຕະຫລອດ,ທັງມີຜົນດີຕໍ່ການປົກປັກຮັກສາອະທິປະໄຕຂອງປະເທດທີ່ກ່ຽວຂ້ອງພ້ອມດວ້ຍສັນຕິພາບແລະສະຖຽນລະພາບຂອງພາກພື້ນ.
|
|
|
