|
|
 |
| (GMT+08:00)
2007-01-14 18:07:22
|
 |
|
"ສັນຍາການຄ້າການບໍລິການ"ຂອງເຂດການຄ້າເສລີຈີນອາຊຽນຈະສ້າງໂອກາດການຄ້າຫຼາຍກວ່າເກົ່າ
cri
Author: MO
ຕາມຂ່າວCRI: ວັນທີ 14 ມັງກອນຢູ່ທີ່ປັກກິ່ງ, ໂຄສົກກະຊວງການຄ້າຈີນກ່າວວ່າ, "ສັນຍາການຄ້າການບໍລິການ"ຂອງເຂດການຄ້າເສລີຈີນອາຊຽນທີ່ຈີນກັບອາຊຽນເຊັນກັນນັ້ນຈະສ້າງໂອກາດການຄ້າຫຼາຍກວ່າເກົ່າໃຫ້ແກ່ສອງຝ່າຍ.
ວັນທີ 14 ມັງກອນ, ຈີນກັບ 10 ປະເທດອາຊຽນໄດ້ເຊັນ"ສັນຍາການຄ້າການບໍລິການ"ຂອງເຂດການຄ້າເສລີຈີນອາຊຽນຢູ່ເຊບູຂອງຟິລິບປິນ. ໂຄສົກຖະແຫຼງຂ່າວຂອງກະຊວງການຄ້າຈີນແນະນຳວ່າ, ອິງຕາມຄຳໝັ້ນສັນຍາຂອງສອງຝ່າຍໃນສັນຍາ, ບົນພື້ນຖານທີ່ປະຕິບັດຕາມຄຳໝັ້ນສັນຍາຂອງໃຜລາວໃນອົງການການຄ້າໂລກ, ຈີນກັບ 10 ປະເທດອາຊຽນຈະເປີດຕະຫຼາດການບໍລິການເຊິ່ງກັນແລະກັນຕື່ມອີກ, ສະໜອງເງື່ອນໄຂອະນຸມັດເຂົ້າຕະຫຼາດທີ່ມີນະໂຍບາຍພິເສດຫຼາຍກວ່າເກົ່າ. ຄຳໝັ້ນສັນຍາການເປີດຕະຫຼາດເຫຼົ່ານີ້ບໍ່ພຽງແຕ່ມີຜົນດີຕໍ່ການເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຂອງຂະແໜງການບໍລິການຂອງສອງຝ່າຍ, ບັນລຸການຕາບຈູນທ່າແຮງເຊິ່ງກັນແລະກັນ, ເພີ່ມທະວີກຳລັງແກ່ງແຍ່ງ, ເປີດກວ້າງການສົ່ງອອກການຄ້າການບໍລິການເທົ່ານັ້ນ, ຍັງສາມາດເຮັດໃຫ້ຜູ້ບໍລິໂພກຂອງສອງຝ່າຍເປີດກວ້າງຂອບເຂດຄັດເລືອກການບໍລິການ, ໄດ້ຮັບການບໍລິການທີ່ມີຄຸນນະພາບດີຫຼາຍກວ່າເກົ່າ.
ທ່ານກ່າວວ່າ, ການເຊັນ"ສັນຍາການຄ້າການບໍລິການ"ຂອງເຂດການຄ້າເສລີຈີນອາຊຽນແມ່ນຜົນສຳເລັດທີ່ສຳຄັນອີກລາຍໜຶ່ງໃນການສ້າງເຂດການຄ້າເສລີຈີນອາຊຽນ, ເປັນຂີດໝາຍສະແດງໃຫ້ເຫັນວ່າ, ການສ້າງເຂດການຄ້າເສລີຈີນອາຊຽນໄດ້ກ້າວໄປໜ້າທີ່ເປັນຂໍກະແຈ, ໄດ້ສ້າງພື້ນຖານອັນໜາແໜ້ນກວ່າເກົ່າໃຫ້ແກ່ການສ້າງເຂດການຄ້າເສລີຈີນອາຊຽນໃຫ້ສຳເລັດຮອບດ້ານ.
|
|
|
