|
|
 |
| (GMT+08:00)
2007-01-16 16:55:46
|
 |
|
ແຂວງຢຸນນານຂອງຈີນຈະຈົດຊື່ແທ້ຂອງຜູ່ຮັບການກວດກາພະຍາດເອດ໊
cri
Author: sayvanny
ຕາມຂ່າວສານຈີນ:ແຂວງຢຸນນານຈີນຈະຈົດຊື່ແທ້ຂອງຜູ່ຮັບການກວດພະຍາດເອດ໊,ແລະຈະໃຊ້ມາດຕະການທີ່ໄດ້ຜົນກວ່າເກົ່າ.
ເຈົ້າຫນ້າທີ່ຜູ່ຫນຶ່ງຂອງສູນຄວບຄຸມປ້ອງກັນພະຍາດແຂວງຢຸນນານເຜີຍໃຫ້ຮູ້ວ່າ, ແຕ່ກ່ອນ,ເພື່ອປິດລັບໃຫ້ຜູ່ຕິດພະຍາດເອດ໊,ສູນຄວບຄຸມພະຍາດທຸກຂັ້ນບໍ່ໄດ້ໃຫ້ຜູ່ມາກວດພະຍາດຂຽນຊື່ແທ້,ແຕ່ເຮັດແບບນີ້ໄດ້ເກີດບັນຫາທີ່ວ່າໃນເວລາຜູ່ມາກວດພະຍາດຖືກບົ່ງມະຕິວ່າໄດ້ຕິດພະຍາດເອດ໊ແລ້ວ,ທາງສູນຄວບຄຸມພະຍາດກໍ່ຕິດຕໍ່ກັບຜູ່ກ່ຽວບໍ່ໄດ້ຍ້ອນບໍ່ໄດ້ຂຽນຊື່ແທ້,ແລ້ວພາໃຫ້ພາດປິ່ນປົວພະຍາດ.ເມື່ອຈົດຊື່ແທ້ຂອງຜູ່ກ່ຽວໄວ້ແລ້ວ, ທາງສູນກວດພະຍາດກໍ່ຮູ້ທີ່ຢູ່ແລະວິທີຕິດຕໍ່,ຜູ່ຕິດເຊື້ອ HIV ຫລືຜູ່ເປັນພະຍາດເອດ໊ກໍ່ຈະຮັບນະໂຍບາຍຕ່າງໆເຊັ່ນ ໄດ້ຮັບຢາປິ່ນປົວລ້າແລະມີການປະກັນໄພດ້ານການປິ່ນປົວຕາມກຳນົດ.
ເຈົ້າຫນ້າທີ່ຜູ່ນີ້ຍັງກ່າວເນັ້ນວ່າ, ອົງການປິ່ນປົວມີສິດບອກສະພາບການເປັນພະຍາດໃຫ້ຄູ່ຊີວິດຂອງຜູ່ເປັນພະຍາດຮູ້,ແລະສະເຫນີໃຫ້ຮັບການກວດພະຍາດລ້າ,ແຕ່ບໍ່ມີສິດເປີດເຜີຍຂໍ້ມູນຂອງຜູ່ກ່ຽວໃຫ້ຜູ່ອື່ນທີ່ບໍ່ມີສ່ວນກ່ຽວຂ້ອງນັ້ນຮູ້ເດັດຂາດ.
ຕາມສະຖິຕິຂອງສູນຄວບຄຸມພະຍາດແຂວງຢຸນນານ,ປີກາຍນີ້,ແຂວງຢຸນນານມີຜູ່ສະຫມັກໄປກວດພະຍາດເອດ໊ 1 ແສນ 5 ຫມື່ນຄົນແລະຂໍຄວາມປຶກສາ.ຕັ້ງແຕ່ໄດ້ປຸກລະດົມໃຫ້ຄົນສະຫມັກໄປກວດພະຍາດເອດ໊ເປັນຕົ້ນມາ, ໃນຊຸມຊົນທີ່ມີຄວາມສ່ຽງທີ່ອາດຈະຕິດພະຍາດເອດ໊ຂອງແຂວງຢຸນນານນັ້ນມີ 48% ໄດ້ຮັບການກວດແລ້ວ,ຕົວເລກນີ້ສູງກວ່າລະດັບສະເລ່ຍຂອງຈີນຢ່າງຫລວງຫລາຍ.
|
|
|
