|
|
 |
| (GMT+08:00)
2007-01-16 17:10:18
|
 |
|
ສານປະຊາຊົນຂອງຈີນຈະເພີ່ມການປັບໄໝຕໍ່ການກະທຳລ່ວງລ້ຳສິດຊັບສິນທາງປັນຍາ
cri
Author: cai
ຕາມຂ່າວສານຊີນຮວາ:ວັນທີ 15 ມັງກອນນີ້,ສານປະຊາຊົນສູງສຸດຈີນໄດ້ປະກາດຄວາມເຫັນສະບັບໜຶ່ງກ່ຽວກັບການເພີ່ມທະວີວຽກງານຕັດສິນຄະດີສິດຊັບສິນທາງປັນຍາ,ສະເໜີໃຫ້ລົງໂທດການລ່ວງລະເມີດສິດຊັບສິນທາງປັນຍາຢ່າງເຂັ້ມງວດຕາມກົດໝາຍ,ໃຊ້ມາດຕະການຕ່າງໆເຊັ່ນການບັງຄັບໄຊ້ແທນຄ່າເສຍຫາຍເປັນຕົ້ນ,ຕັດຄວາມສາມາດແລະເງື່ອນໄຂທີ່ຈະກະທຳຜິດຊ້ຳອີກຂອງຜູ້ລ່ວງລ້ຳສິດຈາກດ້ານເສດຖະກິດ.
ຄວາມເຫັນສະເໜີອອກມາວ່າ,ຕ້ອງເສີມຂະຫຍາຍພາລະບົດບາດທີ່ປົກປ້ອງສິດຊັບສິນທາງປັນຍາທາງອາຍາແລະທາງຕຸລາການຢ່າງເຕັມທີ່,ນຳໃຊ້ມາດຕະການລົງໂທດທາງອາຍາຕ່າງໆຕາມກົດໝາຍ.ຕໍ່ການກະທຳຜິດທີ່ກ່ຽວພັນເຖິງສິດຊັບສິນທາງປັນຍາ,ຕ້ອງລົງໂທດຢ່າງເຂັ້ມງວດກວ່າເກົ່າຕາມກົດໝາຍ;ໃນເວລານຳໃຊ້ວິທີລົງໂທດຕົ້ນຕໍຕາມກົດໝາຍນັ້ນຍັງເພີ່ມການປັບໄໝ;ຜ່ານຈາກການໃຊ້ມາດຕະການຕ່າງໆເຊັ່ນການຍຶດເອົາລາຍໄດ້ທີ່ຜິດກົດໝາຍ ຍຶດເອົາເຄື່ອງມືກະທຳຜິດ ທຳລາຍຜະລິດຕະພັນທີ່ລ່ວງລ້ຳສິດຊັບສິນທາງປັນຍາແລະການບັງຄັບໄຊ້ແທນຄ່າເສຍຫາຍເປັນຕົ້ນ,ຕັດຄວາມສາມາດແລະເງື່ອນໄຂທີ່ຈະກະທຳຜິດຊ້ຳອີກຂອງຜູ້ລ່ວງລ້ຳສິດຈາກດ້ານເສດຖະກິດ.
ຄວາມເຫັນຍັງຂຽນວ່າ,ຕໍ່ຄວາມຂັດແຍ່ງກັນທາງຄະດີແພ່ງກ່ຽວກັບສິດຊັບສິນທາງປັນຍາ,ຈະເພີ່ມການໄຊ້ແທນຄ່າເສຍຫາຍຫຼາຍກວ່າເກົ່າແລະການລົງໂທດທາງຄະດີແພ່ງຕາມກົດໝາຍ,ຄົນທຳມະດາຍັງສາມາດໄດ້ຮັບເງິນຄ່າປົວແປງຈິດໃຈທີ່ສົມມາພາຄວນຍ້ອນຈິດໃຈຖືກທຳຮ້າຍ.
|
|
|
