|
ຕາມຂ່າວcri:ວັນທີ16 ມັງກອນນີ້,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວຢູ່ປັກກິ່ງວ່າ,ຝ່າຍຈີນສະໜັບສະໜູນສະພາຄວາມໝັ້ນຄົງສະຫະປະຊາຊາດດຳເນີນການປະຕິຮູບທີ່ຈຳເປັນແລະສົມເຫດສົມຜົນ,ເພື່ອຍົກສູງອິດທິພົນແລະປະສິດທິພາບຂອງສະພາຄວາມໝັ້ນຄົງ.
ໃນງານຖະແຫຼງຂ່າວທີ່ຈັດຂຶ້ນໃນມື້ດຽວກັນ,ທ່ານລິວຈ້ຽນຊ່າວຢືນຢັນວ່າ,ໃນໄລຍະກອງປະຊຸມສຸດຍອດອາຊີຕາເວັນອອກ,ນາຍັກລັດຖະມົນຕີຈີນກັບນາຍົກລັດຖະມົນຕີຍີ່ປຸ່ນໄດ້ແລກປ່ຽນຄວາມເຫັນກ່ຽວກັບບັນຫາປະຕິຮູບສະພະຄວາມໝັ້ນຄົງ.
ທ່ານລິວຈ້ຽນຊ່າວກ່າວກ່າວລື້ມວ່າ,ຫຼັກໝັ້ນຂອງຝ່າຍຈີນໃນບັນຫາປະຕິຮູບສະພາຄວາມໝັ້ນຄົງບໍ່ມີການປ່ຽນແປງ,ຝ່າຍຈີນສະໜັບສະໜູນການເພີ່ມທະວີຕົວແທນຂອງປະເທດທີ່ພວມພັດທະນາໂດຍສະເພາະແມ່ນປະເທດອາຟຼິກາກ່ອນ.ທ່ານກ່າວວ່າ,ປັດຈຸບັນ,ບັນດາຝ່າຍພວມຫາລືບັນຫາປະຕິຮູບສະພາຄວາມໝັ້ນຄົງ,ແຕ່ວ່າຢູ່ລະຫວ່າງບັນດາຝ່າຍຍັງມີຄວາມເຫັນແຕກຕ່າງກັນ,ຝ່າຍຈີນຫວັງໃຫ້ຝ່າຍຕ່າງໆສືບຕໍ່ຍາດແຍ່ງໃຫ້ກ້າວເຖິງຂັ້ນເປັນເອກະສັນກັນໂດຍຜ່ານການຫາລືກັນຢ່າງເຕັມທີ່ແລະປະຊາທິປະໄຕ,ຫາໄດ້ແຜນການປະຕິຮູບທີ່ປະເທດສ່ວນຫຼາຍຮັບເອົາໄດ້.
|
