ຕາມ​ຂ່າວCRI:ຫວ່າງ​ມໍ່ໆ​ນີ້,​ໃນ​ກອງ​ປະຊຸມ​ຫົວໜ້າ​ກົມອະນຸລັກ​ສິ່ງ​ແວດ​ລ້ອມ​ທົ່ວ​ປະ​ເທດຈີນ,ທ່ານ​​​ໂຈ່​ວ​ເຊີງ​ສຽນ ຫົວໜ້າ​ກົມ​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນກ່າວ​ວ່າ,ປີ​ນີ້,ຈີນ​ຈະ​ອອກ​ແຮງ​ຫຼຸດປະ​ລິມານ​ລະບາຍ​ວັດຖຸ​ເຊື່ອມ​ພິດ​ຕົ້ນຕໍ.

ຍ້ອນ​ວ່າຂະ​ແໜງ​ການ​ເຊື່ອມ​ພິດຮ້າຍ​ແຮງ​ບໍ່​ໄດ້​ຖືກ​ຄວບຄຸມ,ປະກົດ​ການ​ທີ່ລະບາຍ​ວັດຖຸ​ເຊື່ອມ​ພິດຢ່າງ​ຜິດ​ກົດໝາຍ​ມີ​ຢູ່​ທົ່ວ​ໄປ,​​ເປົ້າ​ໝາຍ​ທີ່​ຫຼຸດ​ປະລິມານ​ລະບາຍ​ວັດ​ຖຸ​ເຊື່ອມ​ພິດ​ໃຫ້​ໜ້ອຍ​ລົງ2%ທີ່​ຈີນ​ສະ​ເໜີ​ອອກໃນ​ຕົ້ນປີ​2006ນັ້ນ​ບໍ່​ໄດ້​ບັນລຸ​ຜົນ​ເປັນ​ຈິງ.

ທ່ານ​​ໂຈ່​ວ​ເຊີງ​ສຽນກ່າວ​ວ່າ,​ເພື່ອ​ຮັບປະກັນ​​ເປົ້າ​ໝາຍ​ທີ່​ຫຼຸດ​ຍອດ​ປະລິມານ​ວັດຖຸ​ເຊື່ອມ​ພິດຕົ້ນຕໍ​​ແຕ່​ປີ2006​ຫາ​ປີ2010​ໃຫ້​ໜ້ອຍ​ລົງ1%ທີ່​ລັດຖະບານຈີນ​ສະ​ເໜີ​ອອກ​ມານັ້ນ​ໃຫ້ບັນລຸ​ຜົນ​ເປັນ​ຈິງ,ປີ​ນີ້​ຈີນ​ຈະ​ໃຊ້​ວິທີ​ຕ່າງໆ​​ເພື່ອຫຼຸດ​ປະລິ​ມານ​ລະບາຍ​ວັດຖຸ​ເຊື່ອມ​ພິດຕົ້ນຕໍ.ທ່ານ​ເວົ້າ​ວ່າ,ປີນີ້,ຈະ​ອອກ​ແຮງ​ຫຼຸດ​ການ​ລະບາຍ​ວັດຖຸ​ເຊື່ອມ​ພິດ​ຂອງ​ຂະ​ແໜງ​ການຕ່າງໆ,​ເຊັ່ນ,ການ​ຜະລິດ​ໄຟຟ້າດ້ວຍ​ຖ່ານ​ຫີນ,​​ອຸດສາຫະກຳ​ນ້ຳມັນ​ເຊື້ອ​ໄຟ,​ເຫຼັກ​ກ້າ,ການ​ຜະລິດ​ເຈ້ຍ,ອຸດສາ​ຫະກຳ​ເຄມີ​ແລະ​ຂະ​ແໜງ​ການ​ພິມ​ແລະ​ຍ້ອມ​ສີ,​ເພິ່ມການ​ຕິດຕາມ​ວັດ​ແທກຕໍ່​ແຫ່ຼງ​ເຊື່ອມ​ພິດ​ຕົ້ນ​ຕໍ່​ຕ່າງໆ,​ເຊັ່ນ,ວິສາ​ຫະກິດ​ຜະລິດ​ໄຟຟ້າ​ດ້ວຍ​ຖ່ານ​ຫີນເປັນ​ຕົ້ນ,​ປະກາດ​ສະພາບ​ລະບາຍ​ວັດຖຸ​ເຊື່ອມ​ພິດ​ຕົ້ນຕໍ​ຂອງ​ທົ່ວ​ປະ​ເທດ​ແລະ​ແຫ່ງ​ຕ່າງໆ​ໃນ​ແຕ່ລະ​ເຄິ່ງປີ,ປະຕິບັດ​ລະບອບ​ສອບ​ສວນ​ໜ້າ​ທີ່​ຮັບຜິດ​ຊອບຂອງ​ເຈົ້າ​ໜ້າ​ທີ່​ອະນຸລັກ​ສິ່ງ​ແວດ​ລ້ອມ​ແລະ​ອື່ນໆ.