|
ຍອດມູນຄ່າການຄ້າຂົນສົ່ງທາງນ້ຳລະຫວ່າງຊາດຕາມແມ່ນ້ຳລ້ານຊ້າງແມ່ນ້ຳຂອງລື່ນກາຍ 10 ຕື້ຢວນ
cri
Author: mo
ຕາມຂ່າວສານຈີນ: ວັນທີ 17 ມັງກອນ, ຢູ່ນະຄອນຄຸນມິງ ພາກໃຕ້ຂອງຈີນ, ທ່ານສຽວຊິນມິນ ຫົວໜ້າກົມທະເລແມ່ນ້ຳລ້ານຊ້າງຈີນກ່າວວ່າ, ໃນ 5 ປີມານີ້, ນັບລວມແລ້ວ, ປະລິມານຂົນສົ່ງສິນຄ້າຂາເຂົ້າຂາອອກຕາມແມ່ນ້ຳລ້ານຊ້າງແມ່ນ້ຳຂອງບັນລຸເຖິງ 2 ລ້ານໂຕນ, ມູນຄ່າການຄ້າລື່ນກາຍ 10 ຕື້ຢວນ, ໄດ້ນຳເອົາປະສິດທິຜົນເສດຖະກິດຢ່າງຫຼວງຫຼາຍມາໃຫ້ປະເທດແລະມວນຊົນຢູ່ແຄມຝັ່ງ. ແມ່ນ້ຳລ້ານຊ້າງແມ່ນ້ຳຂອງພວມກາຍເປັນແມ່ນ້ຳສຳຄັນທີ່ຕິດຕໍ່ການໄປມາຫາສູ່ກັນທາງເສດຖະກິດລະຫວ່າງຈີນກັບອາຊີອາຄະເນ.
ໃນຖານເປັນຂົງເຂດຮ່ວມມືຈຸດໜັກໃຕ້ຂອບຮ່ວມມືເສດຖະກິດອະນຸພາກພື້ນແມ່ນ້ຳຂອງແລະກົນໄກຮ່ວມມືຄົມມະນາຄົມຈີນອາຊຽນ, ການພັດທະນາການຂົນສົ່ງທາງນ້ຳຂ້າມຊາດຕາມແມ່ນ້ຳລ້ານຊ້າງແມ່ນ້ຳຂອງສາມາດຊັກຈູງເສດຖະກິດເຂດລຽບແມ່ນ້ຳມີການພັດທະນາໂດຍກົງ. ໄດ້ຮັບການສະໜັບສະໜູນຈາກລັດຖະບານແລະປະຊາຊົນບັນດາປະເທດແຄມຝັ່ງ. ຕາມສະເໜີວ່າ, ປັດຈຸບັນ, ລະດັບນ້ຳໜັກຂອງກຳປັ່ນທີ່ຂົນສົ່ງຕາມແມ່ນ້ຳລ້ານຊ້າງແມ່ນ້ຳຂອງໄດ້ໃຫຍ່ຂຶ້ນຢ່າງຫຼວງຫຼາຍ, ຕົ້ນທຶນການຂົນສົ່ງກໍໄດ້ຫຼຸດລົງ. ຂະນະດຽວກັນ, ນອກຈາກການຂົນສົ່ງສິນຄ້າດັ້ງເດີມແລ້ວ, ປັດຈຸບັນ, ແມ່ນ້ຳລ້ານຊ້າງແມ່ນ້ຳຂອງໄດ້ເພີ່ມຂົນສົ່ງນ້ຳມັນສຳເລັດຮູບ, ຂົນສົ່ງນັກທ່ອງທ່ຽວແລະຂົນສົ່ງຂອງສົດແຊ່ເຢັນເປັນຕົ້ນ, ຊະນິດການຂົນສົ່ງໄດ້ຫຼາຍຂຶ້ນຕື່ມ.
|
|
