|
ສິ່ງກໍ່ສ້າງໃໝ່ໃນຕົວເມືອງຈີນມີ 90% ຂຶ້ນໄປແມ່ນອອກແບບຕາມມາດຖານປະຢັດພະລັງງານ
cri
Author: cai
ຕາມຂ່າວCRI:ວັນທີ 18 ມັງກອນນີ້,ຢູ່ປັກກິ່ງ,ທ່ານຊີວປາວຊີ່ງ ລັດຖະມົນຕີຊ່ອຍວ່າການກະຊວງກໍ່ສ້າງຈີນເວົ້າວ່າ,ປີ 2006,ສິ່ງກໍ່ສ້າງທີ່ສ້າງໃໝ່ໃນຕົວເມືອງຈີນມີ 90% ຂຶ້ນໄປແມ່ນອອກແບບຕາມມາດຖານປະຢັດພະລັງງານ,ແຕ່ລະປີ,ສາມາດປະຢັດຖ່ານຫີນ 7 ລ້ານໂຕນ.
ທ່ານຊີວປາວຊີ່ງແມ່ນແນະນຳສະພາບດັ່ງກ່າວໃນກອງປະຊຸມຖະແຫຼງຂ່າວທີ່ຫ້ອງການຖະແຫຼງຂ່າວຄະນະລັດຖະບານຈີນຈັດຂຶ້ນ.ທ່ານເວົ້າວ່າ,ສິ່ງກໍ່ສ້າງທີ່ນຳໃຊ້ພະລັງງານທີ່ໃຊ້ຄືນໃໝ່ໄດ້ກໍ່ໄດ້ເພີ່ມຫຼາຍຂຶ້ນຢ່າງບໍ່ຢຸດຢັ້ງ,ສິ່ງກໍ່ສ້າງທີ່ນຳໃຊ້ແສງແລະຄວາມຮ້ອນຂອງພະລັງງານຕາເວັນໃນຕົວເມືອງທົ່ວປະເທດຈີນໄດ້ມີເນື້ອທີ່ຫຼາຍກວ່າ 200 ລ້ານຕາແມັດ.
ທ່ານຊີວປາວຊີ່ງເວົ້າວ່າ,ປີນີ້,ກະຊວງກໍ່ສ້າງຈີນຈະປະກາດໃຊ້ຂໍ້ກຳນົດສະບັບໃໝ່ກ່ຽວກັບການປະຢັດພະລັງງານຂອງສິ່ງກໍ່ສ້າງ,ສືບຕໍ່ເພີ່ມທະວີການຕິດຕາມຄຸ້ມຄອງວຽກງານປະຢັດພະລັງງານຂອງສິ່ງກໍ່ສ້າງທີ່ສ້າງໃໝ່,ແລະຊັກຈູງການຄຸ້ມຄອງແລະການດັດແປງສິ່ງກໍ່ສ້າງທີ່ມີຢູ່ແລ້ວໃຫ້ປະຢັດພະລັງງານ,ພ້ອມກັນນັ້ນ,ຍັງຈະສືບຕໍ່ຊຸກຍູ້ການນຳໃຊ້ພະລັງງານທີ່ໃຊ້ຄືນໃໝ່ໄດ້ຢູ່ໃນສິ່ງກໍ່ສ້າງຢ່າງເປັນຂະໜາດ.
|
|
